Kuarta, 13 Novembru 2019 | Login
Horta Horta

Horta Husu Nomea Ema Kualifikadu Sai Embaixadór Featured

DILI: Eis Prezidente Repúblika, José Ramos Horta, hatete embaixadór ne’ebé atu reprezenta Timor-Leste tenke ema kualifikadu hodi hatene knaar diplomasia, dezenvolvimentu pozitivu iha rai-laran no lingua. 

Tuir Horta atu haruka embaixadór ida presiza tuir nia prosesu katak nasaun ne’ebé atu simu embaixadór husi Timor-Leste tenke iha uluk agreement husi nasaun refere.

“Ha’u nia Konsellu ne’e ba Governu ba Prezidente Repúblika maka ida ne’e asuntu diplomasia buat ida seriu tebes ita ejize atu diplomata sira ne’ebé reprezenta Estadu Timor Leste tenke ema kompetente no kualifikadu,” Eis Prezidente PR ne’e, afirma, hafoin  remata enkontru ho PR Lú Olo iha Palasiu Prezidensiál Bairu-Pite, horisehik.

Premiadu Nobél ba Dame ne’e dehan atu sai embaixadór  ne’e tenke hatene koñese asuntu hotu-hotu Timor nian hodi bele hala’o lobby ho nasaun ne’ebé haknaar ba atu apoia Timor Leste no halo investimentu.

“Embaixadór tenke iha kualidade no hatene ko’alia ho lian ofisiál mundiál inglés no lian seluk ne’e di’ak liútan,” Horta sujere.

Horta dehan Governu atu haruka embaixadór ba Estadu Unidus Amérika (EUA), Japaun, Austrália ba Portugál no nasaun dezenvolvidu sira tenke diplomata senior ida ka  eis Ministru, tanba nasaun balun haruka nia Eis Prezidente Repúblika sai embaixadór.

“Agora derepente haruka embaixadór ida ne’ebé nein inglés hatene no laiha karerira ka background diplomasia ne’e atu reprezenta nasaun ba rai liur ne’e oinsá,” Horta fó hanoin.

Tanba, Horta dehan governu  nomea embaixadór tenke propoin naran ba nasaun ne’ebé atu haknaar aan ba hodi sira  haree no halo agreement.

“La’ós ita nomea de’it no  haruka ne’e sira simu dala ruma sira rejeita,” dehan nia.

Read 435 times
Rate this item
(0 votes)
More in this category: « ONU Lamenta Desizaun PN