Nia dehan, komunidade Hatulia potensiál liu mak kafé. Ne'e duni, AMP ukun prontu dezenvolve setór agrikultura no infraestrutura iha fatin ne’e.

"Tinan lima ha’u hakarak imi nia estrada ne'e di'ak. Tanba ne'e, mak ita hamutuk ho maun Xanana atu hadi'a imi nia estrada iha Hatulia", dehan nia, iha Postu Administrativu Hatulia-Ermera, horisehik.

Taur dehan, bainhira vizita iha Hatulia triste boot tanba haree kondisaun estrada liga mai postu Administrativu Hatulia aat tebes.

Nia hatutan, laiha lider hanesan Xanana Gusmão ho Taur Matan Ruak hodi tuun mai baze haree kondisaun moris povu nian iha arka rurál tomak.

Nune'e, Taur dehan, tempu to'o ona lider rezisténsia na’in rua hamutuk ho povu atu rezolve problema sira liuliu edukasaun, saúde, agrikultura hanesan produsaun kafé iha Munisípiu Ermera.

Tanba ne'e, Taur promete katak bainhira estrada liga mai Hatulia mak rezolvidu espera katak folin kafé iha Ermera mós buras liután to'o mundu.