Print this page
Kampanha PLP iha Tibar Kampanha PLP iha Tibar

PLP Promete Fó Subsídiu Ba Agrikultór Kafé Featured

ERMERA:Partidu Libertasaun Populár (PLP) bainhira hetan fiar atu kaer ukun sei fó subsídiu ba agrikultór Kafé durante tinan tolu.

Povu Agrikultór ne’ebé hahú kuda kafé oan, governu fó ona subsídiu durante tinan 3 nia laran to’o kafé boot no fuan tasak ona mak foin hapara subsídiu.

Promesa ne’e, hato’o husi Prezidente Partidu PLP Taur Matan Ruak bainhira kampaña iha Munisípiu Ermera.

Nia dehan, sei fó prioridade ba setór produtu kafé tanba presu kafé iha merkadu internasionál ne’e folin boot.

Maibé, governu atuál la fó prioridade hodi rezulta produsaun menus no kualidade lad'iak inklui kafé sira tuan hotu.

“oinsá mak ita aumenta produsaun kafé nian rai molik ita tenke kuda fila fali ida ne’ebé tuan ita tenke tesi”, dehan Lider PLP liu husi Komisiu politika iha Ermera Lama, Sesta (30/06).

Governu Lori Tahu Taka Tahu

Prezidente Partidu PLP Taur hateten, besik eleisaun  ona governu halo  projetu hadi'a estrada hodi hamaus komunidade nia laran.

“Besik eleisaun, ita nian governu foin  hakfodak hodi halo projetu estrada  lori  tahu taka tahu”,  dehan nia.

 Maibé, nia dehan, kuandu eleisaun liu tiha  estrada ne’ebé halo komesa aat fila fali de’it.

Maski, lider PLP konsidera projetu estrada iha territóriu TL ne’e kómiku uitoan tanba besik kampaña no eleisaun mak sira foin halo estrada ho karakter emerjénsia.

“Ita nian governu ne’e halo buat ne’ebé ita ladún komprende tanba sira hakarak deit aproveita tempu ne’e”.

 Dezenvolvimentu Ladauk La’o

Eis Prezidente Repúblika Taur Matan Ruak hatete, governu Timor-Leste troka ba daneen ona maibé dezenvolvimentu iha timor Leste nunka la’o tan ne’e deside lakohi kandidata aan ba prezidente Repúblika.

Nia dehan, kargu xefe estadu ne’e boot loos, maibé osan laiha ne’ebé dezenvolvimentu la to’o iha komunidade rurál.

“Ha’u deside hakotu ha'u nia misaun, ha’u lakohi tanba ha’u hatene ha’u sai tan prezidente ba mandatu2 sei mai vizita tan suku povu dehan uluk mai fó lia menon maibé ami nia problema seidauk rezolve ne’e mai tan atu halo saida entaun ha'u moe”, dehan nia.

Maski, nia dehan, Partidu CNRT lider husi maun Xanana Gusmão maibé lakohi hamutuk ho FRETILIN ukun tanba sira iha diferente polítika dezenvolvimentu ba rai ida ne’e nian.

Taur dehan, mai ho Partidu PLP partidu ki'ik maibé  hakarak kompete ho partidu boot sira tanba partidu sira mesak fo'er ona.

Read 1033 times Last modified on Segunda, 03 Jullu 2017 11:28
Rate this item
(0 votes)

About Author

Latest from Ligia Noronha

Related items