Tersa, 18 Juñu 2019 | Login
Presidente Parlamentu Nasionál, Arão Nóe de Jesus Amaral Presidente Parlamentu Nasionál, Arão Nóe de Jesus Amaral

La Hafraku Funsionamentu Estadu, PN Ezijé Asegura Segredu Estadu Featured

DILI: Parlamentu Nasionál ezijé ba funsionáriu no dirijente orgaun soberania sira tenke asegura segredu estadu ba públiku atu labele hafraku funsionamentu estadu nian.

Tuir Presidente Parlamentu Nasionál, Arão Nóe de Jesus Amaral hatete, funsionáriu públiku sira iha nia komprimisu momentu halo tomada pose ko’alia klaru ona katak prontu atu asegura segredu estadu nian hodi garantia funsionamentu estadu.

Dokumentus tama sai no dokumentus ne’ebé públiku bele asesu no ida ne’ebé mak labele ne’e regras estabelesidu.

“Ha’u hanoin dokumentus segredu interna ministériu nian laiha autorizasaun atu públika tenke asegura, dirijente sira tenke kontrola dokumentus ne’ebé segredu,”dehan nia iha PN horisehik.

Dokumentus ne’ebé sijilu maibé hetan publikasaun liu husi meius komunikasaun sira, tama ba kategoria krime entaun funsionáriu ka ajente estadu ne’ebé publika bele hetan sansaun disiplinar.

Iha fatin hanesan tuir Presidente Bankada Partidu Demokratiku (PD) Antonio da Conceicão ‘Kalohan’ hatete, orgaun estadu sira liuliu ba funsionáriu sira tenke asegura dokumentu estadu nian ne’ebé konsidera hanesan segredu atu labele públika ba públiku.

“Bainhira dokumentu sira ne’ebé segredu maibé fó sai kona ema nia privasidade ne’e krime,”dehan nia.

Dokumentu estadu nian maibé ministeriu sira ne’ebé relevante seidauk hatene maibé ema seluk hatene uluk ona ne’e tuir loloos labele akontese ne’e presiza tau atensaun.

Read 921 times
Rate this item
(0 votes)