Segunda, 14 Outubru 2019 | Login
Sekretáriu Jerál Partidu CNRT no eis-Ministru Turizmu,  Francisco Kalbuadi Lay. FOTO: Sapo TL Sekretáriu Jerál Partidu CNRT no eis-Ministru Turizmu, Francisco Kalbuadi Lay. FOTO: Sapo TL

Kalbuadi Seidauk Bele Fila Mai Timor Featured

DILI: Arguidu Francisco Kalbuadi Lay, Sekretáriu Jerál Partidu CNRT no eis-Ministru Turizmu, seidauk bele fila mai Timor tanba kontinua halo tratamentu saúde iha Singapura.

Maski nune’e, Bankada CNRT garante katak entre fulan-Fevereiru no Marsu bele mai ona Timor-Leste.

Prezidente Bankada Partidu CNRT, Duarte Nunes hateten, Francisco Kalbuadi nu’udar lideransa partidu nian sei la halai sees husi justisa.

“Ita boot sira fiar ha’u, tempu besik nia iha ne’e ona”, dehan nia, iha Uma Fukun PN, horisehik.

Duarte hateten, karta informasaun doutór nian relasiona ho kondisaun Sekjer Partidu CNRT nian foin lalais haruka ona mai iha Tribunál Munisipál Dili (TMD).

Eis-Ministru Turizmu antes ne’e moras halo ona operasaun boot iha Singapura, tuir atestadu médiku nian kada fulan tolu tenke ba halo cheek-up.

Maski Kalbuadi hetan ona notifikasaun husi Tribunál, maibé CNRT sei kontinua mantein pozisaun hodi la substitui ninia kuadru ne’e, tanba seidauk iha desizaun finál ida husi Tribunál hodi publika katak ema ne’e sala ka loos.

Tuir Duarte hatete, atu substitui kuadru sira ne’e difisil, tanba ema sira ne’e estrutura partidu nian presiza dignifika mós sira, la’ós atu tuir ema ida nia interpretasaun ba privasidade ema nian la ho faktu.

Duarte hateten, prosesu hotu-hotu iha ona Primeiru Ministru (PM) no Prezidente Repúblika (PR) nia liman atu buka nia solusaun.

Read 3125 times
Rate this item
(2 votes)