Horta Husu PR Lú Olo Fó Pose ba Membru Governu Inkompletu Featured

By Cristina Ximenes Fevereiru 26, 2019 8934
Eis-Prezidente Repúblika, José Ramos Horta. FOTO: AsiaNews Eis-Prezidente Repúblika, José Ramos Horta. FOTO: AsiaNews

DILI: Eis-Prezidente Repúblika, José Ramos Horta, konsidera tempu to’o ona atu Primeiru Ministru (PM), Taur Matan Ruak ho Prezidente Repúblika (PR), Francisco Guterres Lú Olo, diálogu hodi fó pose ba membru governu ne’ebé seidauk kompletu.

“Tempu to’o ona fó pose atu nune’e tensaun menus”, tenik nia, iha Kampus Dili Institute Technology (DIT), Sesta (22/2).

Tuir nia, Prezidente Repúblika ho Xanana Gusmão mós presiza hakuak malu hodi povu mós hakmatek. Tanba ne’e, Orsamentu Jerál Estadu (OJE) pasa ona bele iha ona halo diálogu no fó pose ba membru governu ne’ebé falta.

Hein katak Prezidente Repúblika iha tempu badak tuur fali ho Primeiru Ministru oinsá bele fó pose ba membru ne’ebé falta.

Horta mós agradese tanba Xefe Estadu promulga ona OJE. Nune’e, prosesu hirak ne’ebé liu ona, konsidera normál, tanba nu’udar Aman ba Nasaun iha direitu no responsabilidade atu halo pergunta no kestiona preokupasaun, tanba sá la tau osan ba edukasaun ba agrikultura no governu bele esplika.

Tanba ne’e, tinan ne’e prioridade boot liu mak infraestrutura. Governu mós bele badinas ba buka ajuda internasionál aumenta orsamentu ba edukasaun, saúde no agrikultura.

Rate this item
(0 votes)

Independente Digital TV