DILI: Desizaun Tribunál Distritál Dili (TDD) hodi hamonu sentensa tinan hitu (7) ba arguida Emília Pires, Deputadu CNRT konsidera juis sira halo jogada no ‘atake’ katak akordaun juis sira nian ema seluk mak hakerek.

Deputadu Bankada CNRT, Arão Noe de Jesus hateten, akordaun ne’e rasik hakerek ho pájina 100 ho lian portugés.

Deputadu ne’e deskonfia akordaun ne’e la'ós juis na’in tolu iha tribunál mak hakerek, maibé ema seluk mak hakerek no juis sira ne’e lee de’it.

“Juis na’in tolu ne’e mak hakerek (akordaun)? Ha’u la fiar? Ha’u fiar katak ema ruma hakerek husi li'ur depois haruka mai mak lee de'it,” dehan nia, iha Uma Fukun PN, horisehik.

Nia dehan respeitu separasaun podér no interdependénsia tribunál, maibé kuandu desizaun sai ona ema hotu-hotu iha koñesimentu se haree didi'ak akordaun ne’e buat barak mak la loos.

Tanba ne’e, Xanana Gusmão hasai karta aberta ba Emília no fó sai ba públiku, tanba kestiona desizaun sira ne’e.

Tuir nia, Emília Pires la merese atu simu pena prizaun tinan hitu, tanba laiha evidénsia ruma ne'ebé hatudu katak Emília halakon ka hariku-aan ho osan estadu.

DILI: Karta aberta ne’ebé Kay Rala Xanana Gusmão halo hamosu deskontentamentu husi públiku. Tanba hatudu pozisaun ida hodi defende ema kriminoza ida.

DILI: Arguida Emília Pires haruka karta aberta ba Estadu Timor-Leste ne’ebé kestiona kapasidade juis no utilizasaun língua iha Tribunál. Ne’e duni, Tribunál Distritál Dili (TDD) haree katak preokupasaun ne’e la razoavel.

Iha ninia karta Eis-Ministra Finansas dehan, sistema justisa iha Timor-Leste fraku no juis balun mós la hatene lian portugés.

DILI: Governu laiha kapasidade lori eis Ministra Finansas (MF), Emília Pires fila mai Timor-Leste, tanba laiha akordu estradisaun ho nasaun sira. 

Independente Digital TV