Tersa, 10 Dezembru 2019 | Login
Polisia Polisia

Situasaun sei Manas iha Loerema, Polisia Kaer Suspeitu 10 Featured

DILI: Polisia Nasionál Timor Leste (PNTL) konsege kaptura suspeitu na’in 10 ba kazu konfrontu entre grupu artemarsiais Persaudaraan Setia Hate Terate (PSHT) ho Klibur Oan Rai Klaran iha Leorema, Postu Administrativu Bazartete, Munisipiu Likisa.

Konfrontu entre grupu PSHT ho KORK ne’ebé mosu iha Kinta (04/07) no kontinua iha Sesta(05/07) ne’e rezulta ema na’in rua mate, na’in tolu kanek todan, uma 13 no motor 7 hetan sunu.

Komadante PNTL Munisipiu Likisa, Superintendente Asistensia Luis da Silva informa, polisia konsege kaptura ona suspeitu na’in 10 ne’ebé deskonfia envolve iha kazu konfrontu ne’e.

“Ami kaptura ona suspeitu na’in 10, detein iha sela komandu munisipiu Likisa, kumpre oras 72 hodi submete ba prosesu iha tribunal,” informa Komandante Luis liu husi telefone ba jornalista INDEPENDENTE, Domingu (07/07).

To’o horseik, nia informa, situasaun iha Leorema sei manas, tanba kolega husi matebian na’in rua ne’ebé nu’udar membru PSHT husi Asumanu, Bazartete, Leofa, no Maubara tuun mai hodi hakoi mate-isin.

“Foin dadaun (Domingu) hakoi mate isin iha tuku 2 liu ba, atu sunu KORK sira-nia uma, maibé PNTL likisa ho UEP akomapaña sira idaidak ba to’o ona iha sira-nia uma,” informa Komandante ne’e.

Daudauk ne’e, nia dehan, PNTL kontinua halo seguransa hodi iha fatin akontesimentu no fatin risku balun.

Read 1923 times
Rate this item
(2 votes)