Jornál emprime ne’e fahe gratuita ba komunidade sira ne’ebé hela besik iha área karantina moras Covid 19.

“Hakarak hatoo agradese ba maluk sira hosi Jornál Independente, ne’ebé ho inisiativa sira halo pájina espesiál ida ba pandemia Covid hanesan edukasaun sívika ida ne’ebé sira fahe gratuitamente ba fatin sira izolamentu no karatina ne’ebé ministériu saúde sira identifika,”dehan Konselleiru Francisco Belo Simões da Costa, tersa horsehik, iha salaun konferensia KI.

Tuir Konselleiru Quito hatete, asaun jornál INDEPENDENTE ne’e hanesan esforsu ne’ebé ki’ikoan maibé esforsu ne’ebé di’ak no pozitivu tebes ba mídia nia serbisu hodi kontribui desimina informasaun ida loloos ba públiku liuliu ba hirak ne’ebé iha karantina atu nune’e sira kontinua akompaña novidade no situasaun sira iha sosiedade ida ne’e.