Sábadu, 21 Setembru 2019 | Login
mina timor mina timor

Jere Rikusoin Tasi, Tenki Kria Lei Kontrola TIMOR GAP–ANPM Featured

DILI: Programa Motorizasaun Sistema Judisiál (JSMP) husu ba governu atu kria lei hodi kontrola TIMOR GAP no Autoridade Nasionál Petróleu no Minerál (AMP) atu garante jere rikusoin tasi.

Diretora Interinu JSMP, Ana Paula Marçal, hateten imprensa estatál estadu nian presiza lei hodi regula no kontrola másimu atu jere osan ba interese povu no nasaun.

Tanba ne’e, Diretora ne’e konkorda ho Bankada PD atu funsionáriu TIMOR GAP ho ANPM halo deklara rikusoin ba Tribunál Rekursu.

“Agora ba oin ne’e sira sei jere rikusoin iha tasi laran ne’ebé  importante sira deklara nia rikusoin atu nune’e públiku bele akompaña sira,” dehan nia iha kna’ar fatin Kolmera, horisehik.

Molok ne’e, Bankada Partidu Demokratiku iha Parlamentu Nasionál husu ba funsionáriu TIMOR GAP  no Autoridade Nasionál Petróleu  no Minirais atu aprezenta sira nia rikus

Xefe Negosiador Prinsipal Tratadu Fronteira Maritama Xanana Gusmão hatete, ema hotu tenke kontrola Timor Gap.

“Laos dehan loke ba sira halo de’it ba mak ita buka tuir, lae, buat hotu-hotu tenke ho krontolu, ida ne’ebé mak sira halo no ida ne’ebé mak labele halo.”

“Horseik ha’u-nia esplikasaun kona-ba Timor Gap. lei atividade petrolifera ne’e hatur liu-liu ba regra sira ne’ebé tenke tuir tanba ita labele husik katak Timor Gap nu’udar empreza estadu nian  ba iha rikusoin boot ne’ebé ita iha sai arbiru hanesan rai seluk,” dehan Xanana.

Read 882 times
Rate this item
(0 votes)