Governu Orienta Funsionáriu La Esensiál Deskansa iha Uma Featured

By Marsu 24, 2020 2607
Reuniaun Konsellu Ministrus. Reuniaun Konsellu Ministrus.

DILI:Primeiru Ministru Taur Matan Ruak liu husi reuniaun konsellu ministru fó ona orientasaun hahú husi loron tersa ohin ba oin funsionáriu hirak ne’ebé ladun esensiál bele deskansa iha uma hodi bele kontribui kombate virus corona (Covid-19).

“Primeiru Ministru mos instrusaun ba membru governu sira no instituisaun sira atu orienta ba funsionariu sira hotu ne’ebé laos esensiál atu hela iha uma, sira ne’ebé esensiál mak mai servisu,”dehan Ministru Refórma Lezislativa Asuntu Parlamentar,MRLAP, iha CCD,(23/3).

Atual Ministru ne’e dehan, funsionáriu sira la esensiál iha uma maibé mantein nafatin loke telemovel sira nunee presiza karik hala’o servisu iha uma la signifika feriadu.

“Sira feriadu iha uma  atu kontribui hodi kombate konta covid-19 ne’e laos atu hela iha uma  hodi lao pasiar, funsionáriu hela iha uma atu kombate, kontrolu familias oan sira labele sai ba fatin fatin vizita ema seluk nomos la autoriza ema seluk atu mai vizita atu nune’e kuidadu atu halo protesaun ba covid-19,”dehan Fidelis.

Nia dehan, instrusaun ne’e laos feriadu maibé atu haree ba funsionariu sira ne’e idade avansadu monu ba perigu sai vuravel liu ba covid-19 maibé hela iha uma tenke halo esfórsu hotu atu kontribui atu luta kontra covid-19.

Nia dehan, sSira ne’e idada 60 moras asma,no tbc tama bele komplikadu liu tan,nune’e  la sita fulan hira maibé haree too kombate covid-19 lakon ona fóin lao normal fila fali.

“Governate sira mak halo desizaun atu despensa sira ne’ebé laos esensiál, sira ne’ebé esensiál mak hanesan sira iha gabinente ministu sira tanba halo esfórsu saida estadu ne’e funsiona nafatin,”tenik nia.

Funsionáriu iha eletrisidade, polisia, agua saneamentu, kontinua nafatin hala’o knaar.

Alende ne’e primeiru ministru mos  afirma planu ida ba konsellu ministru  atu avansa ho pakote ida  atu  haree ba staf saúde nian  no militar no polisia  sira ne’ebe servisu extra atu fó protesaun luta kontra covid-19.

Rate this item
(0 votes)

Independente Digital TV