Domingu, 08 Dezembru 2019 | Login
Veteranu Eroi Boot nasaun nian Samba Sembilan hakotu nia iis Veteranu Eroi Boot nasaun nian Samba Sembilan hakotu nia iis

Funerál Saudozu Samba Hein PR Lú Olo Featured

ULMERA: Prosesu funerál ba Saudozu Jaime Ribeiro ‘Samba Sembilan’ sei hein Prezidente Repúblika, Francisco Guterres ‘Lú Olo’ fila mai Timor-Leste, tanba sei halo tratamentu saúde iha estranjeiru.

Tuir planu, saudozu sei haloot iha Sesta (5/7), maibé tanba Xefe Estadu foin to’o fila hikas mai Timor-Leste iha loron hanesan, oras lokraik nian. Ne’e duni prosesu funebre sei adia fali ba loron Sábadu (6/7).

 

Reprezentante Komisaun Instalasaun Instaladora Veteranu Munisípiu Likisá, César dos Santos da Silva ‘Merak’ dehan, preparasaun ba prosesu funebre tuir desizaun husi família nian atu lori ba Jardín Eroi-da-Pátria, tanba tuir dekretu prezidensiál ne’ebé fó sai ona.

‘’Tuir programa sei haloot iha Sesta (5/7), maibé ohin Kaza Militár telefona mai ami atu muda uitoan programa ba fali Sábadu (6/7), ho razaun Sesta lokraik Prezidente Repúblika foin to’o mai. Tanba Prezidente Repúblika mak sei prezide serimónia ne’e iha Metinaru”, dehan nia, iha Ulmera-Likisa, horisehik.

Tuir nia, saudozu Samba sai husi ninia rezidénsia Ulmera ba misa iha Igreja Katedrál no ikus liu direita ba fatin ikus nian iha jardin Eroi-da-Pátria.

Kona-ba prezensa Eis-Comandante em Chefe das FALINTIL, Kay Rala Xanana Gusmão nian, Merak dehan, iha ona koñesimentu ba lia-rekadu ne’e, seidauk simu informasaun kona-ba ninia partisipasaun iha funebre saudozu nian.

Read 1414 times Last modified on Kuarta, 03 Jullu 2019 22:29
Rate this item
(0 votes)