Sábadu, 21 Setembru 2019 | Login
Sekretáriu Jerál partidu CNRT Francisco Kalbuadi Lay. FOTO: doc Sekretáriu Jerál partidu CNRT Francisco Kalbuadi Lay. FOTO: doc

Arão: Kalbuadi La Subar Aan Iha Imunidade Featured

DILI: Prezidente Parlamentu Nasionál Arão Noe de Jesus hatete Sekretáriu Jerál partidu CNRT Francisco Kalbuadi Lay la subar an iha imunidade nia okos.

“Kalbuadi Lay la subar aan iha imunidade nia okos tanba prosesu la’o, pedidu tama mai prosesu sei la’o, Prezidente PN baixa ba komisaun A halo pareser mai Prezidente PN haruka ajenda plenaria, plenaria mak sei deside,” dehan nia ba jornalista sira.

To’o ohin loron, nia hatete, PN seidauk simu karta husi Tribunál atu halo levantamentu ba imunidade.

Arão hatutan, so pedidu ne’ebé PN simu mak pedidu toma mandatu Kalbuadi Lay ne’ebé eleitu no toma pose iha 13 Juñu 2018.

“Bainhira nia (Kalbuadi) hakarak husu katak toma fali mandatu ne’e nia direitu, agora prosesu judisial ne’e kabe ba Tribunál sira nia prosesu,” deklara Arão.

Kona-ba preokupasaun balun ne’ebé hatete Kalbuadi subar iha imunidade, Prezidente PN ne’e konsidera nu’udar ema ida-idak ninia intreperasaun.

Read 961 times Last modified on Domingu, 10 Marsu 2019 18:20
Rate this item
(0 votes)