Akademista: Troka PM Taur Tenki Tetu Featured

By Pedro Alves Fevereiru 28, 2020 3043
PM Taur Matan Ruak PM Taur Matan Ruak

DILI: Observadór Akademista Universidade Nasional Timor Lorosa'e (UNTL), Fakuldade Ciensia Sosiais (FCS), Vitor Soares fó alarma ba aliansa foun ne'ebé lidera husi Partidu Congresu Nasional Nasional Rekonstrusaun Timorense (CNRT) atu troka Primeiru Ministru Taur Matan Ruak tenki tetu di-diak buka figura.

"Ita haree ba sira koligasaun agora, maio-menus ida troka Taur ne'e tenke senior liu iha Taur nia leten, ita haree ba postura ne'e hanesan ne'e, labele dibawa fali Taur",dehan Vitor Soares iha kampuz Fakuldade Siensia Sosiais, Kaikoli Dili, sexta (28/02).

Tuir Akademista ne'e katak, ema ne'ebé atu troka atuál Primeiru Ministru Taur tenke senior liu atu bele hakotu impase politika ou ba oin bele garante estabilidade governativa.

Nune'e Akademista Vitor Soares sujere Prezidente Partidu CNRT Kay Rala Xanana Gusmao mak asumi fali kargu Primeiru Ministru, hodi ultrapasa tiha situasaun ne'e, depois tinan rua tan elisaun jerál mak entrega fali ba seluk.

Dadaun iha hela impase nia laran di’ak liu entrega kargu Primeiru Ministru ba Xanana Gusmao atu bele normaliza fali ekonomia iha rai laran no hadi'a povu nia moris, labele husi hela dei't povu iha situasaun ida hanesan ne'e.

Rate this item
(0 votes)

Independente Digital TV