Migrasaun Deteta Ema Estranjeiru 20 Kontra Lei Featured

By Tomé Amado Fevereiru 13, 2018 1032
Pasaporte Pasaporte

DILI: Polisia Nasionál Timor Leste (PNTL) liu husi Polisia Servisu Migrasaun, deteta ema estranjeiru na’in 20 la kumpre lei obrigasaun komunikasaun estranjeiru bainhira muda hela fatin.

Sidadaun hirak ne’e la kumpre lei Imigrasaun azilu númeru 9/2003 no lei númeru 11/2017 nian kona-ba muda hela fatin (enderesu) ba sidadaun estranjeiru ida.

Polisia Migrasaun prosesa sidadaun estranjeiru na’in 20 inklui partisipasaun iha infrasaun nian liu husi lei azilu migrasaun.

Komandante setór Operasaun Servisu Migrasaun, Inspetór Polisia Fortunato Fausto Guterres hateten, iha nasaun hotu-hotu iha ninia lei. Kuandu tama iha ema nia nasaun tenke kumpre saida mak hakerek iha lei nasaun ida nian.

Ne’e duni iha Timor-Leste mós halo ida ne’e atu regula mós sidadaun estranjeiru sira ne'ebé tama iha territóriu Timor-Leste.

Nia esplika, sidadaun estranjeiru ne'ebé hakarak muda hela fatin direitu sira nian mós, maibé presiza halo komunikasaun ba polisia servisu migrasaun atu nune’e fasil bele halo kontrolu.

Ne’e devér no obrigasaun ba ema estranjeiru ida atu halo tuir”, tenik Fortunato, iha servisu fatin, Vila-Verde, horisehik.

Sira ne’ebé la kumpre polisia migrasaun prega multa, tuir artigu 147 númeru 11/2017 nian ho valór osan hahú husi $30 to’o $150.

Komandante Operasaun ne’e afirma, molok atu halo prosesa aplika uluk notifikasaun hafoin hakat ba prosesu administrativu. Prosesu hotu sira kumpre ona sei obriga sira halo vistu traballu atu bele utiliza hodi hala’o servisu.

Prosesu sira ne’e mak sira la kumpre, kuandu iha inspesaun daruak mai mak deteta nafatin sira iha flagrante delitu (kaer ho liman) laiha tan dalan seluk, tenke hetan deportasaun husi Timor no labele mai Timor durante tinan tolu.

Rate this item
(0 votes)

Independente Digital TV