Sábadu, 14 Dezembru 2019 | Login
Vise Ministru Saúde Bonifácio Maukoli dos Reis Vise Ministru Saúde Bonifácio Maukoli dos Reis

HNGV Deve Osan Rihun $100 Featured

DILI: Hospital Nasionál Guido Valadares (HNGV)  deve kompañia São João Júnior ho osan hamutuk rihun $100 dolar Amerikanu.

HNGV deve kompañia ne’ebé fornese ai han ba pasiente sira hahú iha fulan Jullu no Agostu ne’ebé too agora seidauk halo pagamentu.

Vise Ministru  Saúde Bonifácio Maukoli dos Reis dehan, durante fulan rua ona HNGV deve kompañia São João Júnior osan montante Rihun $100.

Tanba ne’e, iha loron Sesta (10/08), Vise Ministru saúde hasoru Xefe Governu Taur Matan Ruak hodi informa situasaun jerál HNGV inklui osan ne’ebé deve seidauk selu.

Governante ne’e informa, HNGV deve hela kompañia, maibé kompañia rasik kontinua fornese ai han ba pasiente sira, maibé fornesimentu Ai-han hahú reduz ona ba pasiente sira.

“Ita Deve Kompañia ne’e fulan rua ona, tanba kompañia mós iha problema finanseiru ne’ebé ami informa ba Primeiru Ministru haree situasaun ne’e,” Dehan  nia hafoin hasoru malu ho Xefe Estadu iha Palasi Governu, Sesta (10/08).

Nia dehan, Primeiru Ministru iha kompromisu atu selu dívida ne’ebé kompañia tula hela ba HNGV, promete katak bainhira Osan transferénsia fundu petrolíferu montante tokon $140 Xefe estadu promulgadu Governu iha devér halo pagamentu.

Kona ba fornesimentu Ai-moruk, nia dehan, la’o normál tanba ai moruk nia reserve iha armazein sufisiente hela atu halo atendementu ba pasiente sira.

Tanba ne’e, nia garante governu husu ba HNGV atu hamoos ambiente ospitál no mós fornese ai han ba pasiente sira.

Xefe Governu mós orienta ba membru Oitavu Governu Konstituisaun atu kontinua hatudu servisu ne’ebé di’ak, maski seidauk iha osan atu finansia mákina estadu.

Read 3783 times
Rate this item
(0 votes)