Kinta, 02 Abril 2020 | Login
Produsaun Aqua Galun Produsaun Aqua Galun

Governu Monta Intelijente Kontrola Kualidade Produtu Featured

DILI: Governu hahú implementa ona lei protesaun direitu konsumidór sira nian hodi monta intelijente ba kontrolu kualidade produsaun iha rai laran.

Liu husi Ministériu Komérsiu no Indústria (MKI), Diresaun Regulasaun Komérsiu Interna, implementa ona lei númeru 8/2016 kona-ba protesaun diretu konsumidór hodi haree ba kualidade produtu ne’ebé konsumidór sira konsumu.

Diretór Regulasaun Komérsiu Interna, Domingos Guterres hateten, implementasaun polítika ne’e maka governu monta ona marketing intelligent atu haree ba lei nu’udar solusaun ba proteje konsumidór sira.

“Servisu hamutuk ho autoridade munisípiu sira bele promove auto defeza protesaun diretu konsumidór sira nian iha baze, nune’e komunidade bele prevene-aan husi sasán sira ne’ebé uza laiha kualidade”, tenik nia, iha knaar fatin, Fomentu-Mandarín, horisehik.

Kontrolu ne’e mós atu haree ba presu sasán nian tuir nia-kualidade. Tanba sasán balun laiha kualidade maibé fa’an ho folin aas.

Iha fatin ketak, Vise-Prezidente Asuntu Ekonomia-CCI-TL, Agostinho Soares hatete, antes ne’e lei ne’e iha ona, maibé realidade akontese iha baze konsumidór barak seidauk hatene kona-ba lei ne’e rasik.

“Atu proteje konsumidór sira nia diretu hodi labele sosa sasán ne’ebé laiha kualidade governu rasik tenke hakbesik ba iha baze, hodi fahe informasaun ba sira”, tenik nia.

Tuir nia, kuandu deteta ona tenke fó mós sansaun ba ema sira ne’ebé fa'an sasán laiha kualidade, tanba haree sasán sira ne’ebé fa’an iha loja folin aas no ema sosa barak maibé laiha kualidade.

Read 493 times
Rate this item
(0 votes)
MidAd1