Items filtered by date: Sexta, 20 Marsu 2026

DILI: Ministru Interior, Francisco da Costa Guterres deklara, sei aprezenta kandidatu na’in rua ba pozisaun Komandante Jeral no Komandante Jeral Daruak Polisia Nasionál Timor-Leste, ba Konsellu Ministru iha semana oin.

Maibé, molok aprezenta kandidatu refere ba Konsellu Ministru, Ministru Francisco sei aprezenta kandidatu refere ba Primeiru Ministru, Kay Rala Xanana Gusmão.

“Segunda-feira konsulta tiha ho Primeiru Ministru mak avansa proposta ne’e ba iha Konselu Ministru, dehan Ministru Francisco, iha palasiu governu, Kuarta (18/03).

Kona-ba informasaun katak, sei iha pakote rua ba Komandante foun PNTL, Ministru ne’e hatete, nia seidauk hatene kona-ba pakote.

“Ha’u laiha preferensia, PNTL hotu-hotu hanesan.Ofisiais superior ne’ebé priense rekezitus ne’e ha’u hanoin iha hotu, importante ita haree liu ba sira ne’ebé hakarak fó sira-nia kontribuisaun atu dezenvolve instituisaun ne’e sai profisional liu tan,” katak nia.

PDHJ: Tenke iha integridade no hatene istoria

Prevedor Direitus Humanus no Justisa (PDHJ), Vírgilo da Silva Guterres ‘Lamukan’ prefere atu Komandante Jerál no Komandante Jerál daruak PNTLtenke ema ne'ebé ho integridade no hatene istoria PNTL nian, liu-liu poskrize 2005-2006.

Tuir nia, lider foun tenke bele restaura no mantein dignidade polísia nian no harii komunikasaun ne’ebé efetivu iha instituisaun nia laran.

“Tenke iha integridade, ida ne'e mak importante, no nia tenke hatene istória PNTL ne'ebé klean nune'e bele halo dezenvolvimentu ba instalasaun ho di'ak," katak nia.

Iha fatin hanesan, Diretór Ezekutivu FONGTIL, Incêncio Xavier, subliña mós importánsia integridade, esperiénsia naruk iha PNTL nia laran, no kapasidade lideransa nu’udar kritériu prinsipál.

Diretór Ezekuta FONGTIL, Incencio Xavier hatete, ema ne'ebé atu lidera PNTL ne'e tenke iha integridade.

Nia mós enkoraja governu atu hahú konsidera feto sira iha pozisaun estratéjiku sira ne’e.

“Tenke promove ona feto hodi ita halo buat ruma ne'ebé hatuur ba igulaidade jéneru. Tanba agora daudaun ita iha Sekretária Estadu Igualudade no Inkluzaun maibé durante nomeasaun ba kargu Komandante Jerál no SegundoKomandante Jerál feto laiha,” katak nia.

Tan ne’e, nia afirma, tempu ona Governu promove feto ba kargu Komandante Jerál no Komandante Jerál daruak instituisaun seguransa ne’e.

DILI: Primeiru Ministru, Kay Rala Xanana Gusmão afirma, implementasaun polítika desentralizasaun podér iha nível lokál tenke bazeia ba kompromisu hodi serbí komunidade ho fuan tomak.

DILI:Husi tinan 2024 to’o 2025, mosu polemika kona-ba despeju administrativu ne’ebé Sekretaria Estadu Asuntu Toponimia no Organizasaun Urbana halo ba komunidade sira ne’ebé konsidera okupa espasu públiku, inklui mós restaurante Cosette – Tea & Bistro, ne’ebé nia na’in mak Eufrasia Vieira.

DILI: Prezidente Repúblika, José Ramos-Horta hamutuk ho Embaixadora Caitlin Wilson no ofisiál altu Governu nian selebra Loron Nasionál Austrália nian iha Dili, hodi destaka relasaun ne'ebé harii bazeia ba solidariedade durante dékada barak.

DILI: Primeiru-Ministru (PM), Kay Rala Xanana Gusmão lori IX Governu Konstitusionál no Povu tomak nia naran kongratula komunidade Muzulmana iha Timor-Leste (TL) ne’ebé selebra loron Idul Fitri 1447H.

DILI: Selebra loron Idul Fitri  ba 14477 H, Komunidade muzulmanu iha Timor-Leste ho  orasaun hamutuk iha Meskita An-Nur Díli, nu'udar marka finál ba fulan-ida jejún Ramadhan nian, ne’ebé sai momentu importante hodi kontinua fortalese solidariedade no toleránsia relijioza iha rai-laran.

DILI: Muzulmanu Timor-Leste selebra Idul Fitri 1447H, Prezidente Repúblika, José Ramos Horta lori povu Timor-Leste nia naran hato’o nia votus kmanek ba muzulmanu sira hotu iha okaziaun ksolok Eid Al-Fitr ida-ne’e, ne’ebé marka fulan santa Ramadan nia rohan.

DILI: Polítika haforsa sistema saúde primária iha Timor-Leste, tanba ne’e governu Timor-Leste liu husi Ministériu Saúde no embaixadór Austrália iha Timor-Leste realiza Workshop kona-ba programa Fortalesimentu Sistema Kuidadu Saúde Primária iha Timor-Leste.

DILI: Ministra Saúde, Élia dos Reis Amaral, hatete, mákina fase raan unidade 10 ne'ebé mak fó apoiu husi Empreza WEGo husi Xina, to'o agora empreza nia tékniku seidauk mai halo Intalasaun ba bee iha Hospitál António Carvalho Lahane.

DILI: Governu liu husi Sekretáriu Estadu Formasaun Profisionál no Empregu sorumutu ho Governu Australia liu husi Embaixada Austrália iha Timor-Leste  ho Department of Foreigh Affairs and Tarde (DFAT)  diskute programa tolu, hodi hasa'e abilidade ba joven sira, kompete iha merkadu traballu.