Tuir Diretór Jerál Ministériu Edukasaun (ME), Antonino Pires, situasaun iha Kabuverde la'o normál hela, tanba ne’e governu rasik la simu informasaun kona-ba saida mak akontese ba bolseiru sira.

“Ha’u hanoin buat ida ameasa ne’e ami seidauk hetan informasaun. Situasaun ne’e ami haree normál hela. Sé labarik sira hato’o informasaun ne’e ba ita boot sira (jornalista), maibé ami seidauk simu informasaun”, tenik nia, iha nia knaar fatin Vila-Verde, horisehik.

Nia deklara katak, ministériu edukasaun simu ona informasaun katak iha bolseiru Kabuverde hamutuk na’in 20 hakarak atu fila-fali mai Timor-Leste.

Kona-ba uma na'in blokeiu eletrisidade no bee ba bolseiru ne'ebé aluga uma, ministériu ko’alia ona ho universidade hodi hola atensaun ba asuntu ne’e.

Nune’e, ba subsídiu bolseiru sira agora prosesa no tama ona iha bolseiru sira-nia konta bankária liu husi adidu edukasaun iha Portugál.