Items filtered by date: Kinta, 05 Marsu 2026

DILI: Prezidénsia Konsellu Ministrus, Agio Pereira, hala’o sorumutu ho Prezidente Komisaun Funsaun Públika (CFP), Agostinho Letêncio de Deus, akompaña hosi Komisáriu Agapito da Conceição, Jorge Paiva Araújo no Anita Tavares Ribeiro de Jesus, hodi analiza pontu situasaun kona-ba servisu ne’ebé dezenvolve husi Komisaun no diskute kona-ba prioridades ba tinan 2026, iha ámbitu reforma administrasaun públika no jestaun rekursus umanus Estadu nian.

DILI: Prezidente no Laureadu Nobel ba Pás, José Ramos-Horta, prezide serimónia tomada de posse ba Vise-Ministra Negósiu Estranjeiru no Kooperasaun IX Governu Konstitusionál, Jesuína Maria Ferreira Gomes, Serimónia ne’e hala’o iha Palásiu Prezidensiál Nicolau Lobato.

DILI: Prezidente no Laureadu Nobel ba Pás, José Ramos-Horta, prezide serimónia tomada de posse Maria Natália Guterres Viegas Carrascalão Conceição Antunes nu’udar Xefe foun ba Misaun Permanente Repúblika Demokrátika Timor-Leste ba Komunidade País sira Lian Portugés (CPLP), Serimónia ne’e hala’o iha Palásiu Prezidensial Nicolau Lobato.

DILI: Banku Sentrál Timor-Leste (BCTL)  identifika osan 200 sentavus komesa sirkula iha rai-laran, tanba ne’e BCTL hamutuk Polisia Nasional Timor-Leste (PNTL) liu husi Polísia Nasionál Servisu Investigasaun Kriminal, husu komunidade sira ne'ebé iha duvidas ba osan sira ne'e, bele hato'o keixa ba parte kompetente sira hodi prosesu investigasaun.

DILI:Projetu Coffee and Agroforestry Livelihood Improvement Project (CALIP) kontinua serbisu hamutuk ho Ministériu Agrikultura, Pekuária, Peska no Floresta atu hasa’e produsaun kafé iha rai laran liuhusi reabilitasaun ai-kafé tuan no dezenvolve sistema agrofloresta.

DILI:Fundasaun Mahein, organizasaun naun-governamental ne’ebé tau-matan ba asuntu defeza no segurasan, husu ba governu atu hapara ona politizasaun ba instituisaun Polisia Nasionál Timor-Leste.

DILI:  Eskola Ensinu Bazíku Filial Bahasahe, iha Suku Ossoala, Postu Administrativu Vemase, Munisipiu Baukau, dadaun ne’e hasoru problema fasilidade no menus manorin ne’ebé konsidera grave no presiza atensaun urgente husi governu.

DILI: Sorumutu Konsellu Ministrus analiza aprezentasaun ida husi Sekretária Estadu Igualdade, Elvina de Sousa Carvalho kona-ba Timor-Leste nia partisipasaun iha sesaun anuál husi Komisaun kona-ba Estatutu Feto Nasoins Unidas (Commission on the Status of Women-CSW) nian, ne’ebé sei hala’o iha loron 9 to’o 19 fulan-marsu tinan 2026, iha sede Nasoins Unidas nian, iha Novaiorke.

DILI: Ministru Prezidénsia Konsellu Ministrus (MPCM), halo aprezentasaun preliminár ida Konsellu Ministru kona-ba proposta atu kria pakote lejizlativu ida kona-ba siberseguransa.

DILI: Sorumutu Konsellu Ministru aprova Projetu Dekretu Governu ne’ebé aprezenta husi Ministru Komérsiu no Indústria, Filipus Nino Pereira kona-ba regula prosedimentus atribuisaun lisensa no realizasaun vistoria (inspesaun), iha ámbitu lisensiamentu setoriál ba atividade komersiál sira, no mós aprova ninia modelu formuláriu no dokumentu impresu sira.