Items filtered by date: Dezembru 2025

DILI: To’o ohin loron Tribunal Rekursu seidauk hasai desizaun kona-ba revogasaun Lei Pensaun Mensal Vitalisia. Hatan ba ‘ameasa’ husi Estudante Universitáriu Timor-Leste atu halo manifestasaun, Prezidente Tribunál Rekursu, Afonso Carmona afirma katak asaun refere nu’udar direitu konstitusional sidadaun nian iha nasaun demokratiku.

DILI: Projetu reabilitasaun estrada husi Lautém bá Kom no bá Lospalos ne'ebé mak lansa husi Primeiru Ministru Kay Rala Xanana Gusmao iha 30 Outubru 2025 seidauk implementa tanba sei hein vistu husi tribunal.

DILI: Prosesu pagamentu pensaun ba veteranu rejistadu tinan 2009 hamosu konfuzaun no tensaun iha terenu. Falta esplikasaun klaru kona-ba mekanizmu pagamentu halo veteranu barak, liu-liu ferik no katuas, dudu malu, to’o balun monu no tenke lori ba halo tratamentu saude.

DILI: Ministeriu Edukasaun, tersa ne’e (16/12), fó sai rezultadu ezame nasional ba estudante finalista tinan akadémiku 2025 nian, nune’e, iha estudante na’in 1.118 maka la pasa iha ezame refere.

DILI: Kombatentes Libertasaun Nasional na’in 15.679, rejistadu iha tinan 2009 ne’ebé laiha reklamasaun no kontestasaun hamutuk hahú simu sira nia direitu ba pensaun.

DILI: Media imprime Jornal INDEPEDENTE sai manan na'in ba premiu Jornalizmu ba Pás ‘Maria Gorrete Joaquim’ kategoria media imprime di’ak liu, ne'ebe atribui husi Centro Nasionál Chega! Institutu Publiku, iha ambitu selebrasaun loron nasionál direitus umanu ba dala 77.

DILI: Ministériu Saude promete katak ambulansia multifunsaun hitu sei to’o iha fulan Dezembru tinan ne’e no tarde liu iha fulan Janeiru 2026, hodi hatan ba problema menus multifunsaun iha fasilidade saude sira.

DILI: Ekipa konjunta ne’ebé kompostu husi Diresaun Jerál Servisu Migrasaun no Inspesaun Jeral Trabalho (IGT), halo inspesaun konjunta iha kinta (11/12) ne'e, konsege identifika sidadaun estranjeiru na’in-6, ne’ebé utiliza vistu turista hodi hala’o atividade profisionál servisu negosiu iha Rejiaun Administrativa Espesial Oe-Cusse Ambeno (RAEOA).

DILI: Komisaun Funsaun Publika konfirma katak sei hala'o serimónia despedida ba funsionáriu administrasaun públika hamutuk 1,985 ne'ebé mak tama iha lista reforma obrigatóriu ba tinan 2026. Serimonia refere tuir orariu sei hala’o iha 18 Dezembru 2025 iha Munisipiu Aileu.

DILI: Komando Polisia Nasionál Timor-Leste hato’o klarifikasaun ofisial relasiona ho operasaun ne’ebé hala’o iha andar lima ETO Tower, Mandarin, Dili, iha Kuarta (10/12). Operasaun ne’ebé lidera husi Superintendente Asistente Polísia Mouzinho Tavares Correia ne’e ninia alvu ba edifisiu ne’ebé aluga husi empreza Capital Ventures Timor, tanba deskonfia hala’o atividade jogu online.