PR Horta hatete, kestaun ne’e tenke haree direitamente husi Primeiru Ministru (PM), Kay Rala Xanana Gusmão, tanba SEATOU mak ninia subordinadu.
"Primeiru Ministru mak tenke haree, liga ho nia ema. Ezatu, ne'e hatudu saida, tanba feira ne'e ha'u halo hamutuk ho Munisípiu Dili. Munisípiu Dili mak haree jardin, haree fatin sira ne'e, la'ós fali SEATOU mak ba haree mós ema halo feira ne'e," dehan PR Horta hafoin partisipa iha sesaun solene anu Judisiál Timor-Leste, iha Tribunál Dili, Sesta (21/12).
Xefe Estadu lembra, iha tinan ne’e nia laran governu rasik organiza feira oioin, inklui feira ba komemorasaun loron 28 Novembru iha Palásiu Governu nia oin, maibé SEATOU la ba sobu.
"Hatudu arogansia boot. Iha vida polítika, ha'u hatete beibeik, bainhira ha'u halo konferénsia iha li'ur kona-ba lideransa ne'e ha'u hatete beibeik ‘o bainhira iha poder leten, buka tuun mai kraik ho omildade’. Tanba polítiku lubuk ida, inkluidu ita-nia rai ne'e tinan 25 hatudu arogansia no monu," katak nia.
Horta afirma, nia sei hein de’it desizaun husi PM Xanana.
Xefe Estadu ne’e hatete mós katak Ministru Administrasaun Estatal la kontaktu nia tanba nia okupadu, nune’e MAE kontaktu de’it ba Xefe Gabinete PR.
"Ministru Administrasaun Estatál nia la kontaktu ha'u, tanba ha'u busy, kontaktu ha'u-nia Xefe Gabinete (dehan) se Prezidensia hakarak halo festa fim do ano, ha'u dehan ‘governu mak halo ba’," PR Horta dehan.//
Hakarak lee notisias kompletu, asesu deit link e-paper INDEPENDENTE: https://digital.independente.tl, edisaun segunda (22/12).
