Items filtered by date: Abril 2019

DILI: Asuntu ida ne’ebé Partidu Libertasaun Popular (PLP) foti durante kampaña politika mak reativa hikas atividade grupu artemarsiais ne’ebé governu taka ona. Maibé to’o ohin loron komprimisiu ida ne’e seidauk konsege realiza.

Nu’udar Prezidente husi PLP ne’ebé hetan fiar hodi assume kargu nu’udar Xefe Governu, Primeiru Ministru Taur Matan Ruak konsiente mós kona-ba “promesa” ne’ebé nia rasik halo.

Maibé, ho pozisaun nu’udar ulun-boot governu, la fasil ba PM Taur atu foti desizaun. Presiza tetu buat barak.

DILI: Deputadu sira husi bankada CNRT, PLP no KHUNTO dada an husi Komisaun Inkerito Parlamentar bainhira komisaun refere prepara relatoriu final.

Parlamentu Nasionál (PN) kria Komisaun Inkeritu Parlamenta (KIP) iha tinan 2018 nia rohan hafoin diskusaun orsamentu jeral estadu. KIP harii ho objetivu atu halo investigasaun ba projetu 143 ne’ebé governu seidauk selu.

DILI: Primeiru Ministru (PM) Taur Matan Ruak la aseita ho atuasaun membru Polísia Nasionál Timor Leste (PNTL) husi Unidade Task Force hodi tiru negosiante ambulante ho gás lakrimojéneu.

Ho deskorda ne’e maka, xefe governu husu ba oknum ne’ebé tiru, hodi submete ba  prosesu investigasaun, atu bele hatene sirkunstánsia husi asaun ne’e.

DILI:Oras ne'e daudaun, Komandu Polísia Nasionál Timor Leste (PNTL) hala’o hela prosesu investigasaun ba membru ne’ebé tiru negosiante ambulante iha tuir lei interna instituisaun nian.

Komandante Jerál PNTL Komisáriu Faustino da Costa hateten, PNTL aprezenta ona kazu ne’e ba Prezidente Repúblika Francisco Guterres Lu Olo.

DILI: Ministru Estadu Reforma Lejislativa Asuntu Parlamentar (MERLAP), Fidelis Magalhaes deklara katak governu hatama ona problema estrada aat iha Lolotoe iha planu 2019 no sei halo implementasaun iha tinan 2020.

DILI: Primeiru Ministru (PM) Taur Matan Ruak hatete Foreign Investment Review Board (FIRB) adia tan prosesu sosa asaun Kompañia ConocoPhillips no Shell.

DILI: Primeiru Ministru (PM) Taur Matan Ruak hatete to’o ohin loron governu seidauk halo diskusaun kona-ba mandatu Prezidente Autoridade Rejiaun Administrativu Espesial Oekuse Ambeno (RAEOA).

DILI:Prezidente Autoridade Munisípiu Dili, Gaspar Soares hateten, vendedór sira ne’ebé fa'an sasán iha fatin públiku hanesan iha Lesidere no fatin sira seluk no trotoar leten, viola lei númeru 33/2008 kona-ba orden públiku.

DILI: Polisia Nasionál Timor-Leste (PNTL) detein ema na’in rua husi grupu vendedór ambulante ne’ebé halo asaun marxa pás no manifestasaun iha Parlamentu Nasionál oin, Tersa (2/4).

DILI: Tama ona fulan Abril, maibé estrutura governu seidauk kompletu. Maske nune’e, Xefe Estadu Maior FALINTIL Forsa Defeza Timor Leste (F-FDTL) Maijor Jeneral Lere Anan Timur fiar metin katak Primeiru Ministru Taur Matan Ruak sei rezolve problema ne’e.