Nia dehan, bainhira primeiru notifikasaun mak sira kontinua fa’an sasán sei hasai tan notifikasaun foun, maibé ba dala tolu mak la kumpre nafatin konserteza hamutuk ho PNTL foti medida tuir lei.

“Sira la konkorda ho dekretu lei ne’e, iha dalan para atu hato’o ba ita nia órgaun kompetente sira hodi bele revé fila-fali, maibé bainhira halo asaun ne’e dala ruma la rezolve ita nia problema”, dehan nia, iha knaar fatin, Matadouru, horisehik.

Nia dehan, sidadaun iha diretu fa'an sasán hodi hatutan sira nia vida loron-loron nian, maibé presiza mós tenke haree ba lei ne’ebé Governu bandu atu labele taka dalan publika.