Estrutura LNBTL kompostu husi: Rui Manuel Castro (Prezidente), Vise Prezidente I, Florindo Pereira, Vise Prezidente II, João de Oliveira Camra, Sekretáriu Ezekutivu, Madalena Carlos Pereira, Konselu Fiskal, Martinho Lopes, Konselu Juridiku, José Pedro Camões, Konselu Etika no Arbitrazen, Candido Filomeno Pereira Gusmão, Konselu Dixiplina no Etika, José Vicente Cristovão no Tezereiru Agustinha Madalena Ito Muwa.
Prezidente, Rui Maneul Castro hatete, programa prioridade ba sira mak sei halo preprasarasaun ba programa liga basquetebol ho orariu jogu no mós halo formasaun ba arbitrazen sira.
“Ami sei fó prioridade halo preparasaun ba programa liga basquetebol ho orariu no mós halo treinamentu ba arbitrazen sira,” dehan Rui ba jornalista sira iha Sional Lesidere-Dili, horseik.
Rui afirma, sira sei servisu hamutuk ho liga basquetebol iha asia nian. Tanba LNBTL kopera ona ho Indonezia iha fulan rua kotuk liu ba. Ne’e duni preparasaun tekniku ba lansamentu ofisial LBNTL iha fulan Fevereiru laran ne’ebé sei partisipa husi klubu 22, klubu mane 11 no feto 11.
Nia informa, jogu ba liga basquetebol refere ho durasaun tempu fulan sia laran. Tanba limitadu ho kampu no buat sira selu-seluk. Tanba fatin kampu basquetebol mak jinajiu de’it. Maibé kampu refere liga volibol mós uza ida ne’e.
Iha fatin hanesan Sekretariu Estadu Leovogildo Hornai hatete, apresia tanba konsege kria liga nasional basquetebol iha TL.
“Uluk ita hala’o atividade jogu kada semana ida ou rua mak foin realiza, tanba ne’e ita fó premiu hanesan osan no sertifikadu, maibé agora ita iha liga nasionál basquetebol ona,” dehan Leovirgilio.
