Iha loron daruak halo diálogu ho Konsellu Estadu ka eis titulár. Nune’e Prezidente Repúblika atu tetu atu hili opsaun rua tuir dalan konstitusionál no mós polítika.

Maski nune’e, Primeiru Ministru, Mari Alkatiri, lakohi atu halo interferénsia ba desizaun husi Xefe Estadu nian hodi bele deside dalan ne’ebé di'ak liu atu hakotu impase polítika ne’e.

Nune’e, husu ba Prezidente Repúblika atu di'ak liu labele rona deklarasaun barak mai husi públiku, maibé tenke buka dalan foti desizaun ba futuru Governu foun.

“Husik Prezidente Repúblika lalika rona ha'u nia lian, tenke deside tuir nia hakarak”, dehan Alkatiri, iha edifísiu Komisaun Funsaun Publika, Matadouru, horisehik.

Nune’e, Xefe Governu entrega tomak ba Prezidente Repúblika hodi tetu, nune’e tempu badak foti solusaun ba futuru ba Governu foun.

Nia alerta katak, di'ak liu ema hotu tenke hakmatek hodi rona sá desizaun mak Prezidente Repúblika foti desizaun tuir nia hakarak.

Nia mós sujere atu labele rona Sekretáriu Jerál partidu FRETILIN nia opsaun, maibé foti desizaun tuir nia hakarak.