Prezidente Bankada PLP Fidelis Magalhães hatete, antes ne’e partidu lima iha Parlamentu Nasionál ida-idak nomeia nia ema ida sai membru Konsellu Estadu. Nune’e, PLP hili L-4.

Maibé ho kargu foun ne'ebé hetan iha Governu, PLP planeia ona hodi hasai L-4 no substitui fali membru foun ba iha fatin ne’e.

Nia hatutan, nomeiasaun ne’e bele mai husi partidu ka lae, maibe importante mak ema ne’e ba bele reprezenta partidu hodi servisu hamutuk ho Prezidente Repúblika.

“Ama ne’e se ami seidauk hatete sai nia naran, maibé iha semana ne’e nia laran ami bele aprezenta ona”, dehan Fidelis, iha Uma Fukun PN, Sesta (6/10).

Nia hatutan, aprosimasaun daudaun ne’e la’o hela partidu kontaktu ema na'in rua hanesan ne’e kuandu ida falla, ida seluk bele reprezenta partidu iha Konsellu Estadu.

Entretantu, reprezentasaun partidu polítiku iha Konsellu Estadu mak hanesan Bankada FRETILIN-Aurora Ximenes, CNRT-Virgílio Smith, PLP-André da Costa Belo L4, PD-Virgílio Hornai no KHUNTO-José ‘Naimori’.