“Desizaun individu la reprezenta partidu tanba ne’e partidu la tama iha ne'ebá hanesan individu ha’u sei la komenta”, dehan nia iha PN,horisehik.

Nia informa, Partidu FRETILIN hakbesik aan ona ba membru partidu PLP hanesan José Neves Samala-rua no André da Costa Belo L4 ba asume kargu iha sétimu Governu.

Maibé, Nia dehan, Prezidente Partidu PLP, Taur Matan Ruak nia pozisaun klaru katak sai opozisaun, desizaun individuál la reprezenta partidu.

Nia informa, kuadru polítika ida la tuir polítika PLP nian tenke rezigna aan tanba rejimentu interna regulariza ne’ebé tempu besik Prezidente Partidu sei konvoka enkontru hodi foti pozisaun.

Entretantu, Vise-Prezidente Partidu FRETILIN Francisco Miranda Branco dehan, polítika FRETILIN iha formatu governu mak aplika governu inkluzaun hodi envolve membru partidu seluk ka ema individuál atu partisipa iha governu tuir méritu.

Tanba ne’e, FRETILIN sei kontinua halo diálogu ho parpol no individu sira atu envolve aan iha governu hodi kontribui ba dezenvolvimentu nasionál.

Tuir planu, Semana ne’e Prezidente Repúblika Francisco Guterres fó ona pose ba membru governu na’in 18 atu kompleta tanba tuir konstituisaun loron 30 harii governu tenke aprezenta ona programa ba governu ba Parlamentu Nasionál.