Prezidente PLP, Taur Matan Ruak hateten, FRETILIN no PLP diskute kona-ba pozisaun iha Parlamentu, Taur la aseita atu FRETILIN kaer hotu pozisaun importante iha órgaun Estadu nian.
“Ha’u hateten ba Mari katak, ha’u nia partidu sei la apoia FRETILIN atu sai omnipotente (mahakuasa) iha Timor, Prezidente Repúblika, FRETILIN Primeiru Ministru FRETILIN, Prezidente Parlamentu FRETILIN, maibé ha’u apoiu nia (Mari) atu sai primeiru ministru. Ami mós aseita atu pozisaun iha governu ami nia elementu iha governu bele sai elementu sekundáriu”, dehan nia, bainhira hemu kafé hamutuk ho jornalista sira, iha ninia-rezidénsia, Metiaut-Dili, horisehik.
Iha formasaun governu, Taur FRETILIN la halo akordu globál, maibé akordu ida pedasuk ba pedasuk ne’ebé Taur konsidera ladún justu
