Antes ne’e, Ministru Turizmu, Francisco Kalbuadi Lay mak aprezenta uluk karta suspensaun. Agora daudaun aumenta tan membru na’in tolu mak hanesan, Ministru Agrikultura no Peska, Estanislau Aleixo da Silva, Ministru Administrasaun Estatál, Dionísio Babo Soares no Vise-Ministru Administrasaun Estatál, Tomás Cabral.

Tuir karta ne’ebé Xefe Governu, Rui Maria de Araújo simu, membru sira ne’e husu suspensaun sei hahú iha loron 19 Juñu.

Nia hatutan, konteúdu karta lisensa ne'ebé membru governu sira husu atu partisipa iha períodu kampaña ne’e atu partisipa loron balun de’it.

“Sira la husu loron tomak, maibé loron sorin de’it para atu partisipa iha kampaña depois fila-fali mai halo servisu”, PM Rui, iha Hotel Novo Turizmu, Sesta (16/6).

Tuir nia, posibilidade iha semana ne’e sei iha tan karta suspensaun ka lisensa husi membru governu balun inklui mós Xefe Governu nian sei hatama ninia karta lisensa.