Husi lista ne’ebé aprezenta iha mós lider polítiku husi partidu Congresso Nacional Recontrução Timor-Leste (CNRT), Partidu Libertasaun Populár (PLP) no ema independente.

PM Alkatiri dehan, lista ne'ebé aprezenta ba Prezidente Repúblika maizumenus 12 to’o 15, ne’ebé envolve ema CNRT, PLP no mós independente.

Lista ne’ebé Xefe Governu aprezenta fazedamente. Númeru ne’ebé iha seidauk kompletu, tanba ne’e sei iha tan faze tuir mai hodi prienxe hotu pasta hirak ne'ebé sei mamuk.

PM Alkatiri dehan, nia parte hein de'it desizaun husi Prezidente Repúblika, Francisco Guterres ‘Lú-Olo’, maibé desizaun ne'ebé sei foti iha semana oin hodi fó pose ba membru Governu sira ne’e.

“Prezidente Repúblika dehan Segunda seidauk, maibé Tersa simu pose ona”, dehan nia, iha Palasiu Prezidensiál Ai-Tarak Laran, horisehik.

Nia esplika, totál númeru ne’ebé iha seidauk kompletu, tanba totál fatin ne’ebé prepara hamutuk 35.

Alkatiri dehan, maski lista ne’e seidauk kompletu la signifika ema ne'ebé atu tama ba estrutura governu laiha, maibé polítika ida ne’e hakarak ema hotu-hotu atu partisipa iha governasaun ne’e.

“Lista seidauk kompletu la'ós ema laiha, lista seidauk kompletu tanba polítika ida ne’e atu hakuak ema hotu-hotu”, tenik nia.