Tuir fonte importante husi partidu CNRT ne’ebé lakohi fó sai nia identidade hateten, Presidente Partidu halo ona karta relasiona ho nia rezignasaun ida ne’e.

Maun Boot Xanana husu ona atu ema ne'ebé substitui nia tenke mai husi kuadru partidu CNRT rasik. Tanba ne’e, tempu badak sei tuur hamutuk oinsá atu bele indijiata kuadru ida hodi hamriik iha nia fatin.

“Eiii phaaa… katuas ne’e halo tan saida ita la komprende. Dehan kole ona atu deskansa, dehan tan atu konsentra ba Greater Sunrise nian. Husik ita akompaña de’it”, nia fonte ne’e.

Relasiona ho asuntu ne’e, Primeiru Ministru, Taur Matan Ruak hatete, ba kandidatura membru governu ne’ebé seidauk kompletu ne’e prepara ona hein atu aprezenta ba Prezidente Repúblika iha tempu badak.