Ne’e duni, mudansa polítika saida de’it bele akontese, maibé Xefe Estadu Jenerál, Majór Jenerál Lere Anan Timur, lakohi atu repete tanba krize hanesan iha tinan 2006 liubá.

Informasaun kona-ba atu halo mudansa ba estrutura Meza Parlamentu Nasionál (PN) komesa sa’e makaas iha Uma Fukun, maski nune’e la fó influensia ruma ba efetividade servisu meza nian.

“Ha’u rona ona informasaun sira ne’e. Ha'u la preokupa ho informasaun sira ne’e. Ha’u prontu kualkér orden”, dehan Prezidente PN, Aniceto Guterres, iha Uma Fukun PN, horisehik.

Maibé, nia parte ho informasaun sira ne’e lakohi fó komentáriu ho boatu sira ne’e, tanba seidauk iha serteza loloos ba mosaun sensura estrutura meza Parlamentu Nasionál.

“Ha'u labele komenta buat ne'ebé liu husi informasaun de'it”, tenik nia.

Tuir nia, se dokumentu ida tama ona karik kona-ba mosaun sensura ne’e nia parte bele halo komenta.