Tania dehan, nia atu hakiduk dala ida nia parte sei avansa fali dala sanulu.

Tanba nia dehan, programa la’o simples tanbasa TL ne’e impesoál tebes, TL moris ho osan mina rai de’it ne’ebé Oekusi ne’e nia potensialidade boot tebes iha likitura iha darilau.

Alkatiri dehan, dezenvolvimentu iha Oekusi la’o hanesan irrigasaun no ponte no estrada didiak lideransa partidu balun hahú cemburu fali.

“Sira dehan halo buat boot-boot ne’e halo saida sira lakohi ona Oekusi atu sai di’ak no lakohi ona Oekusi nia vida atu sai di’ak,” dehan nia liu husi komísiu Polítika kampaña iha Oekusi, Sábadu (15/07).

“Halo ponte ida sira dehan povu cemburu tanba munisípiu seluk laiha, maibé cemburu ne’e entre lideransa”, dehan nia.

“Lideransa maka iha cemburu tanba la hatene halo laiha kbiit atu halo labele halo lakohi ema seluk atu halo, ne’e cemburu ne’e entre lideransa”.

Tanba ne’e, Alkatiri dehan, povu iha direitu atu vota ba partidu ne’ebé de'it, maibé hakarak atu ba ukun labele mai atu bosok povu no atu ukun tenke hatudu rezultadu ba povu rasik sei hatene no hili tuir nia konsensa rasik.