Kordenador Komisaun Ezekutiva ZEEDOA João Goncalves hatete, Inventór sira agora dadaun balun halo ona Ótel iha Oékusse no mós Investór balun halo hela mobilizasaun atu hahú estabelese enerjia solár nune'e hodi hamenus kustu eletrisidade.

"Inventór sira agora dadaun balun halo ona Ótel iha neeba, no Investór ida halo ona mobilizasaun iha tempu badak sei hahu estabelese enerjia solár iha neeba, ne'e para ami nia eletrisidade iha neeba ne'e ami tenta atu muda sai nu'udar eletrisidade alternativu, Maibé ne'ebé maka amigavel mós bá iha meiu Ambiente," dehan nia hafoin hasoru malu ho Primeiru Ministru Kay Rala Xanana Gusmao iha Palásiu Governu, Tersa (10/12).

Nia hatutan, ida ne'e aumezmu tempu sei redus mós kustu iha Oékusse, tanba hotu-hotu hatene katak Timor-Leste nia problema boot ida maka eletrisidade nia kustu ne'e boot tebetebes.

Entaun sé oinsá mak atu bele Rezolve problema ne'e maka tenke opta bá Enerjia alternativa, ne'ebé enerjia lolar sai di'ak ne'ebé mak lalais liu. Agora dadaun iha ona Kompañia ne'ebé mak halo ona mobilizasaun iha tempu badak sei hahú serbisu atu estabelese painal solár iha Oékusse.

Iha mós Ótel ida ne'ebé mak la'o dadaun ona fulan ida rua nia laran sei hotu ho kuartu 62 ne'ebé mak sira halo iha mós inisiativa sira seluk hanesan parte Desportu nian no mós Turizmu nian buka atu hadia ona fatin turistiku sira ne'e. Bu'at sira ne'e mós sei iha impaktu povu nia moris.

"Hanesan imi hotu hatene tinan ne'e Oekusse mak sai fatin ba selebrasaun 28 Novembru bá 49 ne'ebé atividades barak mak la'o, balun sei kontinua," nia dehan.

Ótel Oeuku rehabilita tiha ona agora dadaun iha Kuartu hamutuk 62 ne'ebé mak disponivel ema uza tiha ona, ema bá hela iha neeba, seidauk kompleta hotu konserteza ne'e Obra boot serbisu Ótel ne'e abandonadu durante tinan lima liu ema nunka uza.

Ema nunka uza bu'at hotu-hotu dokok, kulisaun, kama sira dodok hotu, eletrisidade nia fiu sira kotuk hotu tenke halo rehabilitasaun ida ke boot tebetebes.

"Ami konsege kontrata Kompañia ida sira inteeresadu halo jestaun bá Ótel ne'e, sira rasik ho nia osan rasik tanba ita osan laiha. Ne'ebé ami utiliza fali buka investor sira ne'ebé mak dispostu investe sira nia osan," nia dehan.

Sira mak investe sira mak hadia, no iha tempu badak Prezidente Autoridade RAEOA sei asina kontratu atendimentu ida ho sira para sira mak sei kaer Ótel ne'e bá iha futuru.

Foin lalais VIP husi Indonézia mais selebrasaun loron 28 Novembru sira mós mai toba iha Ótel neeba Kerzer ke nia kualidade ne'e la'o di'ak ona la'os abandonadu hanesan uluk.

"Kompañia ida ne'e konsorsiu ida ne'ebé husi Malaysia, Indonézia ho ita nia Timor oan ida involvidu iha konsorsiu ne'e ne'e duni sira bolu Golden Dragon Universe, sira mak kaer Ótel ne'e halo jestaun bá iha futuru, orsamentu ne'ebé sira gasta bá Rehabilitasaun Ótel ne'e besik $300 mill dólar husi sira nia bolsu rasik," tenik nia.