Prezidente Komisaun E  trata asuntu Infrastrutura husi Bankada CNRT, Deputuadu Marcos Xavier hateten, kona-bá Terminal  bá Transporte Públiku kabe bá Ministériu Transporte Telekomunikasaun,  loos duni iha orsamentu jerál Estadu (OJE) 2025,  ida ne'e tenke tau ona bá Planu

"Ne'ebé ha'u husu bá Ministériu Transporte Telekomunikasaun,   atu halo ona terminal ida iha Hera, tanba Govenu haree ona rai ne'e, maibé  rai ne'e sei problema, tanba  ita  hatene ona katak Timor ne'e  buat ki'ikoan rai  ne'e  ida-idak  iha, rai ne'e uma lisan ida-ne'e nian,"Bankada CNRT Deputuadu Marcos Xavier hateten, Marcos Xavier hateten bá Jornalista sira iha PN Tersa (10/12).

Tanba ne'e,   husu bá  nia husu bá Ministériu Transporte Telekomunikasaun,  atu halo ona Terminal tuan ne'ebé lokaliza iha Bekora.

Nune'e mós, nia afirma, iha parte rai klaran nian, haree ona  fatin, no parte loro-moni nian iha tasi tolu nian, atu muda bá iha Tibar ne'ebá.

Maibé nia dehan, Govenu mós tenke haree bá kondisaun rai,  sei loke atu halo terminal boot ida, rai ne'e  tenke ho nia estatutu klaru, katak rai ne'e estadu nian duni.

"Tanba agora ne'e,  ema ida-idak iha nia rai, tuir loloos estuda mós iha rai barak,  maibé estadu konsidera ita nia populasaun sira okupa ona rai ne'e ita tenke ko'alia didi'ak,  ho sira para sira distribui rai ne'e bá estadu para halo  ona terminal" nia dehan.

Deputadu ne'e mós garantia katak, MTK ho  DNTT la'o hela,  maibé sei haree iha tinan 2025 Governu implementa ka lae, tanba osan  tau tiha ona.

"Ne'ebé ha'u fiar katak 2025,  sira (Governu) sei halo terminal sira ne'e,  gsnst iha audiénsia Públika ami  kuandu husu, sira dehan tau tiha osan atu halo terminal hodi fasilita Transporte Públiku sira ne'e atu para ho dignu," nia dehan

Tuir Deputadu ne'e nia observasaun katak, trasnporte Públiku husi parte Lorosae ninian sempre para iha espasu mamuk ne'ebé iha  Ministériu Negósiu Estranjeiru nia sorin, tanba rai ne'e estuda nian.

Molok ne'e, Ministru Transporte Telekomunikasaun (MTK) Miguel Marques Manetelo hateten, nia mós rona   ona katak transporte Públiku sira  preokupa bá terminal,   nia konsidera  ida-ne'e sei problema   maka ne'e duni.

"Hanesan ita boot sira akompaña karik ita lansa planu Ministerial iha Timor plaza, agora ita iha ona finalizasaun ba iha estadu viabilidade,"Ministru Transporte Telekomunikasaun (MTK) Miguel Marques Manetelo hateten bá Jornalista INDEPENDENTE hafoin remata reniaun konsellu Ministru iha palásiu Governu Kuarta (04/12).

Membru Governu ne'e hatutan,  iha tempu paralelu hanesan iha Konsellu Administrasaun Fundu Infrastrutura (KAFI), nia  aprezenta ona Para atu halo dezeñu detalladu, (DD), Para depois  halo konstrusaun  bá futuru, maibé  nia  sidauk hatene bainhira, mais sei dezeñu detalladu kuandu  hotu ona, bele halo ona terminal.

"Aliende ne'e agora ita haree prosesu tender parese konklui ona,  agora terminal ki'ikoan ida iha Dili Timor ne'e ne'e reabilita", nia dehan.

Maibé, nia afirma katak  la bele temi   terminal ida ne'e bá parte Oeste ka  Lestee  nian,  mais buat ne'ebé maka  Governu planu   paralelamente estudu viabilidade.

"Atu finaliza, mais ita mós  KAFI aprova ona atu avsnsa tenderizasaun halo dezeñu bá ita nia terminal ba  bazeia bá lansa Ministerial ne'ebé halo iha  Timor plaza iha  fulan hirak liu-bá," nia konklui.