Tanba ne’e, Xefe Estadu hakarak fó hatene ba públiku katak Covid-19 seidauk hotu iha Timor Leste no mós seidauk hotu iha rai hotu-hotu.

“Rai barak mós simu ona doze ba dala tolu, di’ak liu ita atu hotu-hotu aseita vasina ne’e dala ida tan to’o doze datoluk nian, atu bele proteje ita nia aan di’ak liu nafatin,” dehan PR Lú Olo, iha Palasiu Prezidensiál Bairru-Pite, horisehik.

Nia hatete, hasoru variante ne’ebé mosu Omicron ne’ebé tama to’o ona Indonézia, naturalmente buat ne’e la’o hakat liu fronteira ba iha rai hotu-hotu, entaun viziñu maluk sira husi sorin nian ho moras aat ne’e ninian.

Nune’e, variante ne’ebé mosu Xefe Estadu husu atu hotu-hotu bele ba simu vasina atu bele proteje aan di’ak liu, proteze familia, belun sira no belun tomak, ne’e mak Xefe Estadu hakarak hato’o ba públiku sira hotu.

Lú Olo esplika, variante Omicron hanoin labele halo milagre hodi kria kondisaun di’ak liu, saida mak Timor-Leste halo ona atu bele proteje sidadaun sira, horiuluk governu ho kondisaun ne’ebé minimu liu.

Maibé, konsege hola medida preventiva barak, dezde husi fronteira rai, aero, no tasi hanesan mós iha rai-laran halo medida estadu emerjensia to’o konfinamentu obrigatóriu buat sira ne’e mosu to’o estadu emerjensia dala 19.

Mendida hirak ne’e hotu mak governu hola ho Estadu tomak hola atu bele halo prevensaun di’ak liu ba povu hodi bele hasoru variante ne’e.

Nia reforsa, agora variante foun ne’ebé tama, klaru kondisaun mak ida ne’e, maibé di’ak liu vasina ona, maibé hanoin katak ne’e mak di’ak liu atu hotu-hotu halo prevensaun nafatin hasoru variante ne’e.

Iha fatin hanesan, Diretora Serivu Saúde Munisipiu Dili, Agostinha da Costa Seguradu hatete, Ministériu Saúde mai vasina doze datoluk ba prezidente repúblika hanesan mós desizaun ne’ebé Ministériu Saúde hamutuk ho Organizasaun Mundial Saúde katak sei fó prióridade ba orgaun soberanu doze datoluk no mós ba idade 70 ba leten ho komorbilidade no liña frente sira.

Nia haktuir, iha liña frente depois Ministériu Saúde rejistu iha pesoál saúde, iha mós ekipa seguransa ne’ebé iha totál hamutuk ho idade 70 ba leten purvolta rihun 4 mak vasina ona ba doze datoluk ba vasina Pfizer nian.

Nia informa, doze datoluk ida ne’e ohin mai atende prezidente repúblika, sei nafatin kontinua ba labarik idade 12 to’o menus 18 ba idade 70 ho komorbilidade, sei hein nafatin ba iha loron 24 Janeiru bainhira vasina foun ne’ebé sei mai iha Timor laran.