Nia dehan, programa ne'e hahú ona iha fulan ne'e, tanba ekipa husi munisipiu mós tama-sai ona kada suku atu xefe suku sira tenke hatudu fatin atu bele tau fatin lixeiru ba komunidade atu labele la’o dook metru 100 hodi soe foer.
"Ha'u preokupa oituan kona-ba ita sira (xefe suku) nia sujestaun sira tanba tinan kotuk hahú husi Autoridade Munisipiu Dili ho diresaun kompetente sira informa katak planu projetu foun iha Dili mak mekanizmu trasforma jestaun, transporte, rekolla ho tratamentu lixu tamba sistema ida foun ne'e mak di'ak liu kompara ho sistema tuan" dehan nia, iha Senru Konvensaun Dili (CCD), Sesta (14/1).
Nia dehan, sistema foun ne'ebé MAE implementa ona tanba fatin lixu hamutuk rihun haat (4) resin mak sei tau iha kapitál Dili.
"Tanba ne'e mak foin daudauk ekipa tun ba ita boot sira (xefe suku) nia suku ida-idak par atu identifika kaisoti ne'e atu tau iha ne'ebé," dehan nia.
Ministru hataan ne'e tanba xefe suku sira barak mak levanta kona-ba lixu fatin ne'ebé komunidade balun sei so’e fo’er la tau ninia fatin.
Molok ne'e, MAE informa ona iha PN ne'ebé debate OJE 2022 bainhira deputadu sira kestiona kona-ba lixu sira kontinua sai preokupasaun iha públiku liu-liu kapitál Dili.
"Bazeia ba polítika ne'e maka governu hanoin para tenke hadia melloramentu jestaun lixu iha sidade Dili komesa kedan husi posizaun lixu, rekolla lixu, trasportasaun lixu no mós tratamentu lixu to'o iha nia destinu final," dehan Miguel.
Tuir kalkulasaun husi Banku Dezenvolvimentu Aziàtiku (ADB) iha tinan 2016 hatudu iha 2020 lixu iha Dili produz hamutuk tonelada 260.
Husi numeru ne'e 45% mak trasporta ba iha lixeira tibar, 35 % ema sunu, soe iha liur 7%, hakoi 6%, soe iha drainazen 5% no sira seluk tan.
Nia dehan, governu propoin ho polítika ida ne'e para atu halo mudansa ba jestaun lixu iha Dili ne'e ba jestaun ne'ebé mak agora dadaun kamioñeta Tula lixu Munisípiu Dili aluga hela 49 tula loron-loron
Nia dehan, projetu ne'e iha fontes fornesimentu husi fatin rua mak hanesan,ba sira ne'ebé involve kompras ekipamentus no ateru kontroladu tibar ho nia fundus mai husi infraetrutura
Nune'e mós iha kontraktór seluk ne'ebé halo operasaun hodi trasforma lixu ba tibar ne'e iha finansiamentu tenke mai husi autoridade Munisipiu Dili
Tanba ne'e, nia dehan, orsamentu hamutuk rihun 2.300 atu halo konstrusaun ba reabilitasaun jestaun lixu iha tibar inklui ba ekipamentus rekolla rejidiu sira.
