Husi númeru ne’e, kazu boot liu ne’ebé rejista mak munisipiu Dili ho kazu 319, Manatutu ho kazu 23, Kovalima ho kazu 17, Baukau ho kazu 25, Manufahi ho kazu 14, Ermera ho kazu 25, Vikeke ho kazu 4, Ainaru ho kazu haat, Likisa ho kazu tolu, Aileu ho kazu ida no Bobonaru kazu lima.
“Einjeral daudauk ne’e totál munispiu 11 ona mak relata kazu dengue, husi kazu tinan ida ne’e barak liu kompara ho tinan 2021 nian, tanba ne’e iha posibildiade boot iha loron tuir mai to’o fulan oin mai kazu dengue sei kontinua sa’e beibeik,” informa MS liu husi komunikadu ne’ebé Online INDEPENDENTE asesu, domingo ne’e (16/01).
Iha biban ne’e, MS husu ba komunidade hotu atu aprezenta aan iha fasilidade saúde sira ne’ebé besik bainhria sente isin-manas ka laran-sa’e no liman ho ain sikun moras, atu bele hetan atendimentu husi médiku sira.
