16 Janeiru, Positivu Foun Covid-19 iha Na’in Rua

Setembru 25, 2024

Nasional

16 Janeiru, Positivu Foun Covid-19 iha Na’in Rua ^Featured

By Saturnina da Costa Janeiru 16, 2022 295

Rezultadu teste hatudu, positivu Covid-19. Foto:Google.

DILI: Kordenador Jeral Surtu Covid-19 Dr. Odete da Silva Viegas, hatete, kazu foun ne’ebé relata iha loron 16 fulan-Janeiru 2022 iha na’in rua (2), nune’e kazu ativu iha Izolamentu sa’e ba 26.

“Ohin deteta kazu positivu iha Dili na’in rua no kazu rekuperadu laiha,”dehan komunikadu ne’ebé Online INDEPENDENTE asesu domingo nee.

Ho nune’e, munisípiu 9 ho RAEOA la iha ona kazu ativu no munisipiu 3 sei iha kazu esporádiku.

Enkuantu, totál komulativu kazu konfirmadu sura husi loron 21 fulan-Marsu tinan 2020 to’o 16 Janeiru 2022 hamutuk 19.863. aleinde, total komulativu óbitu hamutuk 122.

Entretantu, Kobertura vasina kompletu ka doze daruak iha teritoriu Timor-Leste atinji ona pursentu 69,6 (69,6%).

Rate this item

(0 votes)