Responsabilidade Kaixa Darasula, Helder Guterres da Silva ‘Tari’ hateten, agrigu ne’e harii 1995 hanesan ba sentru mós Falintil sira, tanba fatin hanesan ne’e, sira atu ba sentru mós liu husi ne’e no sira atu ba leste mós husi ne’e.
Helder dehan, Komandante Daitula mai subar iha ne’e, labele sura, tanba depende situasaun, to’o nia husik iha fulan jullu 1997 iha tasi ibun Kaibada, maibé nunka mais lakon esperansa ida katak lakon espiritu ida luta ne’e, maibé espera nafatin hodi luta ba ukun aan,
Nia hatutan, harii abrigu ne’e iha 1995 ho intensaun mós katak presaun Indonezia nian boot,entaun presija salva dekumentus sira nomós radiu komunikasaun.
“(Komandante Daitula), Laos kaptura iha ne’e, mais ida hanesan fatin ida ne’ebé mak proteje, hanesan bee laiha no buat ruma laiha no forsa indonezia nia presaun maka’as fatin ida ne’e duni mak nia bele mai hariis hanesan komandante Amiku, Mandante Beredu, Mandanate Haksolok, Adjuntu Alin-laek kauza komandante lubuk ida mak,” dehan nia.
Nia hatutan, maske maun saudozu Daitula laiha tina ona, maibé nia esperitu sei nafatin ho nia maluk sira ne’ebé moris hodi dezemvolve povu no rai ida ne’e ba oin.
