Xanana Sei Desloka Ba Austrália hodi Partisipa Simeira ASEAN Featured

By Ivonia Varela Fevereiru 26, 2024 124
Embaixadora Austrália ba Timor-Leste, Caitlin Wilson  segunda ne'e hala'o enkontru ho Primeiru-Ministru, Kay Rala Xanana Gusmão hodi atualiza ajenda vizita Xefe Governu ba Australia. Foto: Media GPM. Embaixadora Austrália ba Timor-Leste, Caitlin Wilson segunda ne'e hala'o enkontru ho Primeiru-Ministru, Kay Rala Xanana Gusmão hodi atualiza ajenda vizita Xefe Governu ba Australia. Foto: Media GPM.

DILI: Primeiru-Ministru, Kay Rala Xanana Gusmão sei partisipa simeira Australiá Asosiasaun Nasaun Sudeste Aziátiku (ASEAN), iha Melbourne-Austrália, durante loron tolu.

Embaixadora Austrália ba Timor-Leste, Caitlin Wilson hatete, nia parte hasoru malu ho Primeiru Ministru hodi atualiza ajenda ne’ebé atu vizita ba Australia hodi partisipa Simeira ASEAN durante loron tolu ne’ebé hahú husi loron 4-6 Marsu 2023.
“Ha’u mai hasoru PM, Kay Rala Xanana Gusmao hodi atualiza preparasaun ba semeira ASEAN Australia nian ne’ebé sei hala’o iha semana oin durante loro tolu sei partisiapa husi entidade oioin no simeira ne’e sei ko’alia konaba future rejiaun Aziatiku, iha Paz no prósreru,” dehan Embaixadora Caitlin ba jornalista iha Palásiu Governu, Segunda (26/02).
Embaixadora afirma, Austrália kontente tebes hodi konvida Timor-Leste no nasaun membru ASEAN hodi partisipa iha atividade internasionál refere.
“Austrália kontente hodi fó bem-vindu ba Xanana Gusmão nu’udar Primeiru-Ministru hala’o vizita dahuluk ba Austrália, iha ámbitu atividade internasionál,” dehan Caitlin.
Enkunatu, antes ne’e iha Xefe Governu, Xanana hasoru malu ho Primeiru-Ministru Austrália, Anthony Albanese simeira Austrália ASEAN ba dala-tolu ne’ebé hala’o iha Jakarta, Indonézia, loron 7 fulan-setembru tinan 2023 hodi ko’alia kona-ba kooperasaun rai rua nian.
Xefe Governu Xanana dehan, Timor-Leste no Austrália sei kontinua servisu hamutuk nu’udar pais vijiñu.
“Hanesan viziñu besik ho Austrália no nasaun barak iha ASEAN,Timor- Lestefelisita parseria pozitiva entre ASEAN no ho Austrália,” dehan PM.
Austrália maka nu’udar kontribuidór prinsipál ida ba dezenvolvimentu konstrusaun Nasaun no Estadu Timor-Leste.
Xefe governu agradese mós ba Austrália tanba fó ona oportunidade ba timoroan rihun barihun hodi hetan kompeténsia no esperiénsia serbisu nian iha Austrália, liu husi ninia programa serbisu.
Entretantu, tuir ajenda Xefe Governu ho ekipa sei desloka ba Australia iha loron rua Fulan Marsu no sei fila fali iha loron hitu fulan- Marsu 2024.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30