Apc Husu Komunidade Hado’ok an Husi Fatin Risku Bainhira Udan Boot Featured

By Ivonia Varela Fevereiru 26, 2024 126
Komunidade sira ne'ebe hela iha fatin risku, iha kapital Dili. Foto:Dok/INDEPENDENTE. Komunidade sira ne'ebe hela iha fatin risku, iha kapital Dili. Foto:Dok/INDEPENDENTE.

DILI: kada loron dezastre naturais kontinua akontese ba komunidade sira uma no sasán tanba ne’e Autoridade Protesaun Sivil (APC-sigla Portugés) husu komunidade área afeitadu sira atu hado’ok aan husi fatin risku bainhira akontese udan boot.


Xefe Seksaun Relasaun Externa, Nelson Nunes de Orleans hatete, bainhira udan, inan aman tenki fó atensaun ba oan sira atu hadook aan husi fatin risku liliu hanesan mota no seluk tan.
“hado’ok an husi fatin risku liuliu hanesan udan labele husik oan sira atu haris iha mota,” dehan Xefe Seksaun Relasaun Externa Nelson Nunes de Orleans liu husi konferensia imprensa iha Salaun konferensia APS Caikoli, Segunda (26/02).
Nia afirma, bainhira akontese dezastre naturais, husu komunidade sira atu nafatin asegura sira nia aan, tanba tuir dadus, iha semana ida nia laran, hahú husi loron 20 to’o 26 fulan-ne’e, APS rejista komunidade nia uma ne’ebé hetan estragus hamutuk 125, inklui ema na’in ida lakon vida.
Vítima hirak ne’e, husi Munisípiu Aileu, Baucau, Covalima, Ermera, Vikeke no Rejiaun Administrativa Espesial Oekuse Ambeno (RAEOA).
Nia haktuir, tipu dezastre naturais ne’ebé akontese iha semana ida nia laran mak hanesan, anin boot, ahi-han uma, no rai halai.
Entretantu, vítima sira ne’ebé afeitadu ba dezastre naturais, hetan ona apoiu emerjensia hanesan ai han no la’ós ai han.
Enkuantu, kona-ba apoiu rekoperasaun, apc sei halo verifikasaun ba dadus sira hafoin bele fó apoiu.

Rate this item
(0 votes)
Last modified on Segunda, 26 Fevereiru 2024 18:16

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30