Primeiru Ministru, Kay Rala Xanana Gusmao hatete, Prezidente Jokowi nia ko'alia barak liu kona-ba ekonómia liga liu ba sira nia Zona Espesial Ekonómia Merkadu Sosiál (ZEEMS).

"Nia ko'alia barak tebtebes kona-ba ekonómia, ha'u mós dehan katak prográma Governu ne'e nian maka Dezenvolvimentu Ekonómiku," " dehan nia bainhira remata vizita ofisiál Istana Bogor, iha Ótel KEMPINSKI Jakarta, Sesta (26/10).

Xefe Governu hatutan, Prezidente nia mós temi Agrikultura, problema hahán, nia temi bá halo tuir katak sira iha ezemplu jeral ona, ZEEMS 10 ona.

"Ha'u mós dehan katak uluk mós ami hanoin ona ba ida ne'e ne'e agora ha'u tauk de'it mak ita halo tebtebes hasai osan barak tiha depois la uza fali, ne'ebé ami ko'alia barak kona-ba ida ne'e, ita iha problema kona-ba fos, mais tanba sira nia produsaun barak liu tebtebe," nia salienta.

Xanana Louva tebes Joko Widodo durante nia mandatu halo bu'at ne'ebé susesu, liu husi ida ne'e Timor-Leste aprende barak husi nasaun sira seluk kona-ba Dezenvolvimentu.

"Ha'u louva nia mandatu tinan 10 ne'e, asume dala rua ne'e tanba diferensa ne'ebé nia hatudu no hahalok ne'ebé nia hatudu maka Indonézia tomak haree bá vila no postu no komunidade sira ne'ebé guia liu atrazadu liu ne'e maka ha'u felizita nia kona-ba bá ida ne'e."

"Ita mós tenke hanoin katak ita mós tanba foin hahú, ita mós aprende husi rai sira seluk nia Dezenvolvimentu, ita mós temi ona katak tinan lima mai ne'e atu haree bá Desentralizasaun haree bá areas rurais," nia dehan.

PM hatutan, kuandu temi iha Indonézia Áreas ne'e Timor ulun fatuk moras liu, tanba ne'e mak nia hatudu katak la haree ona ba sidade maibé haree liu ba iha fatin sira ne'ebé dehan haluhan tiha de'it.

"Ita haree de'it iha NTT neeba dezenvolve kapás tebtebes boot iha, ne'ebé ha'u felizita nia kona-ba ida ne'e. Ami ko'alia hanesan area ko'alia bá malu de'it ka hanesan fó hatene ba malu de'it," nia dehan.

Xefe Governu hato'o deklarasaun ne'e hetan akompaña husi Munistru Negósiu Estranjeiru no Koperasaun (MNEK) Bendito Freitas, Ministru Transporte Komunikasaun (MTK) Miguel Marques Manetelo, Ministru Planeamentu Investimentu Estratéjiku (MPIE) Gastao Sousa, Sekretáriu Estadu Komunikasaun Sosial (SEKomS) Expedito Loro Dias Ximenes, Embaxador Timor-Leste iha Jakarta Agostinho Simao Barreto, Adidu Seguransa Timor iha Jakarta xefe Superentendente polísia Armando Monteiro, Inklui sira seluk.