Nia haktuir, objetivu husi enkontru ho Prezidente Repúblika, atu informa kona ba sampel ne’ebé uza hodi asegura seguransa aihan nutrisaun ninian iha rai laran.
Nia hatete, atu resolve issue kona-ba seguransa aihan Xefe Estadu sei vizita Roma liga ba protesaun sosiál nian.
"Vizita ida ne'e atu kontinua suporta Timor Leste ba asuntu seguransa aihan no nutrisaun bele rezolve liu husi investimentu hamutuk iha agrikultura no jestaun bee, kadeia valor ne'ebé sensivel ba nutrisaun no dezenvolvimentu kapital humanu iha Timor Leste," informa Diretór Unidade Estratéjia Stanlake Samkange ba jornalista sira hafoin enkontru ho Xefe Estadu iha Palasiu Prezidensia Bairu-Pite, Kuarta (23/08).
Tanba, kontestu folin aihan aumenta, mudansa klimátiku no situasaun ekonómia ne'ebé ameasadu to’o ohin loron iha Timor Leste ho missaun durante loron 4 hodi hametin servisu hamutuk entre Programa Mundiál Aihan ho governo Timor Leste no mós ho parseiru dezenvolvimentu importante sira seluk kona-ba seguransa alimentár no nutrisaun.
Durate vizita ne'e sei halo diskusaun oinsá seguransa aihan no nutrisaun bele rezolve liu husi investimentu hamutuk iha agrikultura no jestaun bee, kadeia valór ne'ebé sensivel ba nutrisaun no dezenvolvimentu kapital humanu. Nia sei hasoru malu nai ulun nasaun nian ne'ebé halo advokásia ba seguransa aihan no nutrisaun, inklui Prezidente Repúblika no Vise Primeiru Ministru Mariano Assanami Sabino.
Hanesan parte husi misaun Stanlake sei haree ba progressu iha munisípiu Baukau kona-ba produsaun foos fortifikadu ne'ebé WFP apoiu no benefísiu husi ligasaun entre investimentu iha agrikultura ho edukasaun liu husi programa governu nian iha merenda eskolár ne'ebé WFP apoiu ho fundu husi Agénsia Kooperasaun Internasional Koreana. Nia sei akompaña husi representante husi Ministériu Agrikultura, Pekuária, Peska no Floresta, no Banku Dezenvolvimentu Ázia
"WFP iha kompromisu atu apoiu misaun Governu Timor Leste nian hodi dezenvolve kapital humanu no hodi hakotu hamalaha no malnutrisaun. Investimentu kiik iha produsaun aihan lokál no aihan saudável hanesan esensiál ba dezenvolvimentu kapitál humanu no asegura kresimentu ekonómiku inkluzivu no prosperidade Samkange hatete bainhira nia to’o iha Timor Leste
WFP hahú servisu iha Timor Leste husi tinan 1999. WFP servisu hamutuk ho komunidade no Governu atu hametin programa sira ne'ebé existe ona no hodi preenshe lakuna programatika sira ne'ebé enderesa kona-ba dispoñibilidade, asesu, no asessibilidade ba diversu no ai-han nutritiva. PAM foin lalais reviza ona Planu Estratejiku ba Timor Leste ho aprosimasaun dupla atu nune’e bele hadian sistema aihan no nia kontribuisaun ba seguransa aihan liu husi uza pratika sira nebe matenek ne'ebé bele adapta ho klima, evidénsia bazea ba aproximasaun sensivel ho nutrisaun.
Programa Mundiál ba AiHan husi Nasoins Unidas nu'udar organizasaun humanitária boot ida iha mundu ne'ebé salva vida iha situasaun emerjénsia no uza asisténsia aihan atu harii dalan ba dame, estabilidade, no prosperidade ba ema sira nebe rekupera husi konflitu, dezastre no impaktu mudansa klímátika nian.
Entretantu, iha enkontru ne'e Prezidente Repúblika José Ramos Horta ko'alia kona-ba dezafiu ne'ebé agora Timor Leste atu hasoru entermus situasaun globál nian, hanesan presu ne'ebé sa'e no mós asuntu setór agrikultura nian no oinsá Timor Leste tenke mós fó advokásia iha nivél globál.
Nune'e, Xefe Estadu mós ko'alia kona-ba oinsá bele rekolla no mobiliza rekusu ruma ba ona Timor Leste no mós ba nasaun seluk.
