Xefe Komisaun Organizadora João Rodrigues hatete, orsamentu ne’ebé governu aloka ne’e hodi prepara ba resepsaun simu boxista ne’e hamutuk ho membru governu sira.
“Orsamento ba vizita ida ne’e, ita aloka orsamentu rihun $26, osan ne’e ita halo preparasaun ba jantar ba ita nia bainaka espesial ida ne’e”,dehan nia liu husi konferensia imprensa, (25/09).
Nia dehan, orsamentu ne’e, hodi responde ba pesoal seguransa sira ne’ebé fó seguransa ba Boxista Manny Pacqiaon no mós selu fatin deskansa ba ekipa sira.
Ho vizita Boxista Famozu Manny Pacqiaon, Ministeriu Joventude Desportu Arte No Kultura, hamutuk ho Ministeriu Negosiu no Estranjeiru (MNEK), no parte autoridade seguransa sira halo hela prepasaun atu simu Boxista ne’e.
Entertantu, tuir orariu Boxista famouzu ne’e, sei vizita TL iha loron 28 fulan-Setembru 2023.
Enkuantu, vizita Boxista Manny Pacquião ne’e durante loron tolu iha TL no sei hasoru malu ho Prezidente Republika Jose Ramos Horta, Primeiro Ministro Kayrala Xanana Gusmão, no mós Federasaun Boxe Amadora Timor-Leste (FBATL).
