Sekretária Ezekútiva INDDICA, Teresa Maria Freitas hatete, ema hotu tenki asegura no fó protesaun ba labarik, tanba labarik sira mak futuru nasaun nian.
Nune'e, sensibilizasaun ida ne'e, atu fasilita membru F-FDTL sira nia kuiñesimentu kona ba lei protesaun ba labarik no oinsa atu proteje labaraik sira nia direitu iha parte hotu.
“Ita hotu iha responsabilidade maximu atu fó protesaun ba ita nia oan sira, liliu iha ita nia familia, espera katak ita hotu tau responsabilidade nuudar aman-inan no xefe familia, hodi tau matan ba oan sira,”dehan nia liu husi diskursu, iha kuartel Jeneral, Fatuhada, Dili, segunda (25/09).
Entretantu, Xefe Estadu Maior, José da Costa Soares Trix, apresiza ba inisiativa INDDICA nian ne’ebé fahe ona esperensia kona ba lei protesaun ba labarik ba membru F-FDTL sira, hodi hasa’e liu tan sira nia kuiñesementu.
