Porta Vóz-APC João de Sousa Filipe hatete, dadus husi munispiu 13 ne’ebé APS atu ápoiu material konstrusaun hamutuk 1.150 no hirak ne’e mak kategoriza ona no tempu badak sei hetan material rekontrusaun.

“Agora dadaun diresaun risku nasional ba jestaun risku dezastre naturais ne'ebé na’in ba diresaun distrubuisaun material konstrusaun sira hahú dadauk ona planu prepara kalendariu/orariu para ita atu halo distribuisaun iha kada munisipiu,” dehan Porta voz iha salaun konferensia APC Kaikoli, Segunda (07/08).

Porta voz deklara, husi dadus refere, ekipa APS halo ona reverifikasaun hodi kategoriaza fila-fali tuir dezastre ne’ebé iha mak, uma ne'ebé tama iha kategori aat total hamutuk 415, aat naton 119 no aat kaman 536.

Nia afirma, dadus 1.150 ne'ebé atu hetan apoiu rekopersaun ne’e kompostu husi munispiu 13 no husi dadus refere kompostu mos husi vitíma dezastre naturais iha tinan 2022.

“Tan nee, agora hein de'it orariu husi diresaun distrubuisaun material, bainhira halo hotu ona orariu ita lao tuir ba munisipiu hodi distribui material kontrusaun,” dehan porta voz.

Rekorda katak, Autoriedade Protesaun Sivil apoiu ona material rekoperasaun/material konstrusaun ba vitíma dezastre naturais iha Munisipiu Ainaro no Bobonaro hamutuk 85.

Tuir nia, vitíma sira ne’ebé atu hetan apoiu rekoperasau entre kategori aat total, naton no Kaman sei simu material la hanesan. Klaru katak, iha dekretu lei nú 7 hatete katak, vitíma dezastre naturais iha direitu atu hetan apoiu rekopersaun kada pakote maibé tuir kategori, tan ne'e kategori tolu ne’e sei hetan orsamentu diferensia.