Porta Vóz-APS João de Suosa Filipe hatete, dezastre naturais ne’e akontese iha munisipiu sira hanesan, Vikeke, Aileu, Bobonaro, Lautem, Manufahi, Rejiaun Administrativa Espesial Oekusi Ambeno (RAEOA).
Nia dehan, dezastre naturais ne'ebé akontese durante semana ida ho tipo tolu (3) hanesan rai halai, ahi han no mós udan boot.
Nia esplika, iha Munisipiu Manufahi dezastre naturais estraga uma hamutuk 17, iha Vikeke rua, Lautem ida, RAEOA ida, Aileu ida,
“Iha munisipiu Bobonaro, Postu Administrativa Maliana, Suku Tapo Memo, Aldeia Tunu Bibi, komunidade na’in rua ai-baku to'o lakon vida. Dezastre naturais sira ne’e akontese ita nia ekipa sira iha munispiu tun halo kedan intervensaun fó apoiu emerjensia ba ita nia vitíma sira,”dehan nia iha Sala Konferensia APC Kaikoli, segunda (07/08).
Entretantu, Porta Voz afirma, dadus ne'ebé APS nasional rejistu, hahú husi Fulan-Janeiru too Agusto tinan 2023, komunidade ne’ebé afeita ba dezastre naturais hamutuk 2.077 no ema na’in 27 mak lakon vida.
