Virgílio hateten, labele haluha katak bainhira ko'alia direitu umanu ne'e liberdade imprensa no liberdade espresaun halo parte, tanba liberdade imprensa no liberdade espresaun ne'e kontestu direitu umanu ne'e sira direitu negativu.

"Direitu ne'ebé ke Estadu labele halo intervensaun, tanba ne'e PDHJ mós sei la nonook bainhira iha lei ida ka iha hahalok ida impede ka limite liberdade espresaun ka liberdade imprensa," dehan nia, iha Salaun CNE, Kolmera, horisehik.

Nia relata, akontesimentu violensia hasoru jornalista no hasoru media, provedór sei iha tempu atu buka investiga no fiskaliza mós ba ida-ne'e.

"Purtantu Provedór la'ós haluha ona liberdade emprensa no liberdade espresaun, maibé Provedor ko'alia hotu liberdade Imprensa no liberdade espresaun ho tán liberdade sira seluk, ha'u hanoin ida-ne'e mak ha'u hakarak klarifika ida-ne'e," dehan nia.